今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

قازاقستاندا العاش رەت زىمىران شابۋىلىنا قارسى قورعانىستىڭ ءتيىمدى جۇيەسى ازىرلەنبەك

26 九月 2021 10:15

نۇر-سۇلتان. قازاقپارات - قازاقستان تاريحىندا العاش رەت اۋە-عارىشتىق جانە زىمىران شابۋىلىنا قارسى قورعانىستىڭ ءتيىمدى جۇيەسىنىڭ ەلەمەنتتەرىن قالىپتاستىرۋ جوسپارلانىپ وتىر.

بۇل تۋرالى ماسەلە قازاقستان پرەزيدەنتى قاسىم-جومارت توقايەۆ بەكىتكەن قارۋلى كۇشتەردى، باسقا دا اسكەرلەر مەن اسكەري قۇرىلىمداردى قۇرۋدىڭ جانە دامىتۋدىڭ جاڭا تۇجىرىمداماسىندا قامتىلعان، دەپ حابارلايدى قازاقپارات.

تۇجىرىمدامادا، ەلدىڭ وراسان زور اۋماعىن جانە شەكارالاردىڭ ۇزاقتىعىن ەسكەرە وتىرىپ، اسكەري-كولىك اۆياتسياسىنىڭ كۇشتەرى مەن قۇرالدارىن جەتىلدىرۋ ارقىلى اسكەرلەردىڭ موبيلدىلىگىن ارتتىرۋ شارالارى قاراستىرىلعان. سونداي-اق، ارنايى وپەراتسيالاردى ورىندايتىن كۇشتەردى دامىتۋعا باسا ءمان بەرىلگەن. قوعامنىڭ بارلىق سالاسىن سيفرلاندىرۋ شەڭبەرىندە قارۋلى كۇشتەردىڭ كيبەر- جانە اقپاراتتىق كەڭىستىكتەگى ءىس-ارەكەتتەر جونىندەگى الەۋەتى كۇشەيتىلەدى.

«قوس ماقساتتاعى»، ياعني سوعىس جانە بەيبىت ۋاقىتتا، سونىڭ ىشىندە توتەنشە جاعدايلاردىڭ سالدارىن جويۋ ءۇشىن قولدانىلاتىن كومپونەنتتەردى دامىتۋ جوسپارلانعان. ەڭ الدىمەن، مۇنداي قۇرامدارعا اسكەري مەديتسينا، رادياتسيالىق، حيميالىق جانە بيولوگيالىق قورعانىس اسكەرلەرى، ينجەنەرلىك اسكەرلەر، اسكەري-كولىكتىك اۆياتسيا جاتقىزىلدى.


回到顶部