今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ىستانبۇلعا ۇشىپ شىققان ۇشاقتىڭ اتىراۋعا شۇعىل قونۋ سەبەبى بەلگىلى بولدى

24 九月 2021 12:40

نۇر-سۇلتان. قازاقپارات - ەلوردادان ىستانبۇلعا ۇشىپ شىققان «Boeing-767» ۇشاعى اتىراۋ حالىقارالىق اۋەجايىنا تەحنيكالىق سەبەپكە بايلانىستى قوندى، دەپ حابارلايدى قازاقپارات ءتىلشىسى.

«23-قىركۇيەك كۇنى ساعات 21-35 تە اتىراۋ حالىقارالىق اۋەجايىنا «Boeing-767» ۇشاعى ءماجبۇرلى تۇردە قوندى. سەبەبى - جانار-جاعارماي جۇيەسىندەگى تەحنيكالىق اقاۋ. بورت نۇر-سۇلتان- ىستانبۇل باعىتىندا ۇشىپ بارا جاتقان. ۇشاق ەير استانا اۋە كومپانياسىنا تيەسىلى»، - دەپ اتاپ وتەدى اتىراۋ وبلىستىق ت ج د باسپا ءسوز قىزمەتىنەن.

ۇشاق بورتىندا 205 جولاۋشى، ونىڭ ىشىندە 5 بالا جانە ەكيپاجدىڭ 5 مۇشەسى بولعان. 4 جولاۋشى اتىراۋ قالاسىندا تۇراتىن تۋىستارىنىڭ ۇيىنە بارسا، 2 جولاۋشى باسقا ۇشاقپەن نۇر-سۇلتان قالاسىنا ۇشىپ كەتكەن. ال قالعان 199 جولاۋشى «Sulo Hotel» قوناق ۇيىنە ورنالاستىرىلعان.

«ۇشاقتى تەحنيكالىق قالپىنا كەلتىرۋ جانە جوندەۋ جۇمىستارى جۇرگىزىلىپ جاتىر. 24-قىركۇيەك كۇنى ساعات 14-00 دە «Boeing-767» ۇشاعىنىڭ ىستانبۇل قالاسىنا ۇشىپ شىعۋى جوسپارلانعان»، - دەپ اتاپ وتەدى ۆەدومستۆودان.

اۆتور: مارلان جيەمباي

关键词: قوعام,
回到顶部