今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

نۇر-سۇلتاندا جىل باسىنان بەرى توعىز مىڭنان استام ادام جۇمىسقا ورنالاستى

21 九月 2021 19:38

نۇر-سۇلتان. قازاقپارات - نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعى 2021-جىل باسىنان بەرى استانالىق 15350 ازاماتتى قابىلدادى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

بارلىعى 9189 ادام جۇمىسقا ورنالاستىرىلدى. ونىڭ ىشىندە ەلەكتروندى ەڭبەك بيرجاسى ارقىلى - 2978 ادام، ال 5347 ادام تۇراقتى جۇمىس تاپتى. «ەڭبەك» مەملەكەتتىك باعدارلاماسى اياسىندا قوعامدىق جۇمىستارعا - 2620، الەۋمەتتىك جۇمىس ورىندارىنا - 179، جاستار پراكتيكاسىنا - 789 ادام جۇمىسقا جىبەرىلدى.

جۇمىسپەن قامتۋدىڭ جول كارتاسى شەڭبەرىندە - 254 ادام جۇمىسقا ورنالاستىرىلدى.

جالپى، جۇمىسپەن قامتۋدىڭ جول كارتاسى اياسىندا نۇر-سۇلتان قالاسى بويىنشا بيىل 500 دەن استام جۇمىس ورنى قۇرىلدى. جوسپار بويىنشا 483 جۇمىس ورنىن قۇرۋ كوزدەلگەن بولاتىن، بۇگىنگى تاڭدا -503 ادام جۇمىسقا ورنالاستىرىلدى.

291 تۇراقتى جۇمىس ورنى قۇرىلدى. حالىقتى جۇمىسپەن قامتۋ ورتالىعى بارلىق ساناتتاعى ازاماتتاردىڭ جۇمىسقا ورنالاسۋىنا جاردەمدەسەدى.

نۇر-سۇلتان قالاسىنداعى ورتالىققا كۇن سايىن ءارتۇرلى جاستاعى جۇمىسسىز ازاماتتار، پروباتسيا قىزمەتىندە ەسەپتە تۇرعانداردار مەن مۇمكىندىگى شەكتەۋلى جاندار جۇگىنەدى. جىل باسىنان بەرى پروباتسيا قىزمەتىندەگى - 47، مۇگەدەكتىگى بار - 574 ادام جۇمىسقا ورنالاستىرىلدى.

حالىقتى جۇمىسپەن قامتۋ ورتالىعى بۇگىنگى ەڭبەك نارىعىندا تالاپ ەتىلەتىن ماماندىقتار بويىنشا جۇمىسسىز ازاماتتارعا ارنالعان كۋرستارعا جىبەرەدى.

بيىل جۇمىسپەن قامتۋ ورتالىعى ارقىلى 213 ادام كاسىپتىك ءبىلىم بەرۋ كۋرستارىن وقىدى. ارنايى كۋرستار اسپاز، كونديتەر، تىگىنشى، شاشتاراز، كاسسير- باقىلاۋشى، ناۋبايشى، تاربيەشى- كومەكشى ماماندىقتارى بويىنشا ۇيىمداستىرىلدى.

2021-جىلى نۇر-سۇلتان قالاسى بويىنشا جاڭا بيزنەس يدەيالاردى ىسكە اسىرۋ ءۇشىن 414 بيزنەس يدەياعا گرانت ءبولىندى. ازىرگە 401 گرانت قارجىلاندىرىلدى. گرانت العاندار قاتارىندا حالىقتىڭ الەۋمەتتىك وسال توپ وكىلدەرى دە بار.

ولار: كوپبالالى جانە از قامتىلعان وتباسى مۇشەلەرى، مۇمكىندىگى شەكتەۋلى ازاماتتار مەن ااك الۋشىلار، 29 جاسقا دەيىنگى جاستار ساناتىنداعى ازاماتتار. قازىر جۇمىسپەن قامتۋ ورتالىعىنىڭ قىزمەتتەرىن قاشىقتان پايدالانۋعا بولادى.

وسى ماقساتتا ەلەكتروندى ەڭبەك بيرجاسى مەملەكەتتىك اقپاراتتىق پورتالى جۇمىس ىستەيدى (www.enbek.kz).

تولىق اقپارات پەن ماماندار كەڭەسىن الۋ ءۇشىن ورتالىقتىڭ جۇمىسپەن قامتۋ ءبولىمىنىڭ تەل: 729331، 578695، 87015736593 نومەرىنە حابارلاسۋىنا بولادى.

ايتا كەتەيىك، 2020-جىلى ەلوردادا جۇمىسپەن قامتۋدىڭ جول كارتاسى بويىنشا 151 ينفراقۇرىلىمدىق جوبا جۇزەگە اسىرىلىپ، 15253 جاڭا جۇمىس ورنى قۇرىلدى.

关键词: استانا,
回到顶部