今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

قازاقستان مەن ەگيپەت اقپارات سالاسىندا ىنتىماقتاستىقتى دامىتۋعا نيەتتى

16 九月 2021 21:12

نۇر-سۇلتان. قازاقپارات - اقپارات جانە قوعامدىق دامۋ ءمينيسترى ايدا بالايەۆا مىسىر ۇلتتىق مەديا كەڭەسىنىڭ ديرەكتورى حۋسەين كامال ابدەلكادەر زەيننىڭ باستاعان مىسىر اراب رەسپۋبليكاسىنىڭ دەلەگاتسياسىمەن كەزدەستى، دەپ حابارلايدى قازاقپارات.

اڭگىمەلەسۋ بارىسىندا مينيستر كەزدەسۋ قاتىسۋشىلارىن مينيسترلىكتىڭ قىزمەتىمەن قىسقاشا تانىستىردى، اتاپ ايتقاندا، اقپارات جانە ب ا ق، ب ا ق وكىلدەرىنىڭ قۇقىقتارى مەن قورعالۋىن قامتاماسىز ەتۋ، پاندەميا جاعدايىندا ب ا ق- تى قولداۋ بويىنشا قابىلدانىپ جاتقان شارالار تۋرالى ايتىپ بەردى.




سونداي-اق، مينيسترلىكتىڭ جەتەكشىلىگىندەگى باعىتتار بويىنشا ەكىجاقتى ىنتىماقتاستىقتى دامىتۋ پەرسپەكتيۆالارى تالقىلاندى، ونىڭ ىشىندە، مينيستر تەلەراديو حابارلارىن تاراتۋ سالاسىنداعى كونتەنتپەن الماسۋعا قىزىعۋشىلىق تانىتتى.




ءوز كەزەگىندە مىسىر تاراپى ەكى ەلدىڭ مادەني-گۋمانيتارلىق بايلانىستارىن دامىتۋعا، اتاپ ايتقاندا، جاستاردىڭ رۋحاني-ادامگەرشىلىك تاربيەسى جونىندەگى تەلەۆيزيالىق جوبالاردى قۇرۋعا باعىتتالعان جان-جاقتى ىنتىماقتاستىق پەن بىرلەسكەن جوبالاردى ىسكە اسىرۋعا دايىن ەكەندىگىن ءبىلدىردى.




تاراپتار تىعىز جانە ءوزارا ءتيىمدى قارىم-قاتىناستاردى نىعايتۋ تۋرالى نيەتتەرىن ءبىلدىردى.

回到顶部