今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ابدۋل گاني بارادار تالىپتەر ىشىندە كيكىلجىڭ تۋعانىن جوققا شىعاردى

16 九月 2021 15:42

نۇر- سۇلتان. قازاقپارات - تالىپتەر ۇكىمەتىندە پرەمەر- ءمينيستردىڭ ورىنباسارى بولىپ تاعايىندالعان ابدۋل گاني بارادار قوزعالىس باسشىلارى اراسىندا كيكىلجىڭ تۋعانىن جوققا شىعارىپ، ءوزىنىڭ جاراقات العانى تۋرالى اقپاردىڭ جالعان ەكەنىن ءمالىم ەتتى.

ول مۇنى ءوزىنىڭ ۆيدەو- سۇحباتىندا جەتكىزدى. كەشە ابدۋل گاني بارادار مەن «تاليبان» ىشىندەگى ءبىر قارۋلى توپتى باسقاراتىن حاليل راحمان حاككاني سوزگە كەلىپ قالعانى تۋرالى حابار تاراعان بولاتىن. وسىدان كەيىن بارادار حالىق اراسىنا شىقپاي كەتكەن. ءتىپتى جاقىندا اۋعانستانعا بارعان كاتار ەلىنىڭ سىرتقى ىستەر مينيسترىمەن كەدەسۋگە كەلمەگەن.

ابدۋل گاني بارادار، «تاليبان» ۇكىمەتى پرەمەر- ءمينيسترىنىڭ ورىنباسارى:

- اقپارات قۇرالدارى تاليبان ىشىندە كيكىلجىڭ تۋدى دەپ جازىپ جاتىر. ءبىراق بۇل شىندىققا ساي كەلمەيدى. ءبىزدىڭ ارامىزدا تولىق تۇسىنىستىك ورناعان. ال كاتار سىرتقى ىستەر مينيسترىمەن ساپاردا بولعاندىقتان كەزدەسە المادىم.

«تاليبان» راديكالدى قوزعالىسى اۋعانستاندا تۇراقتى اسكەر قۇرۋدى ويلاستىرىپ جاتىر. بۇل تۋرالى تالىپتەردىڭ قارۋلى كۇشتەرى باس شتابىنىڭ باسشىسى بولىپ تاعايىندالعان كاري فاسيحۋددين مالىمدەدى.

ونىڭ ايتۋىنشا قازىر بۇل ماسەلە جان- جاقتى تالقىلانىپ جاتىر. راديكالدى قوزعالىس تۇراقتى اسكەردەن بولەك اسكەري وقۋ جۇيەسىن دە قۇرۋدى كوزدەپ وتىر. ايتا كەتەيىك، تالىپتەر اۋعانستانداعى بيلىكتى باسىپ العانعا دەيىن ءتۇرلى دەرەكتەر ونىڭ قۇرامىنداعى قارۋلى جەندەتتەر سانى 75-80 مىڭعا جۋىق دەپ مالىمدەپ كەلگەنى. ءبىراق ولاردىڭ ناقتى سانى بەيمالىم.

www.24.kz


关键词: الةم,
回到顶部