今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

مەملەكەت باسشىسى ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسىنا قاتىستى

16 九月 2021 15:26

دۋشانبە. قازاقپارات - مەملەكەت باسشىسى قاسىم- جومارت توقايەۆ ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسىنا قاتىستى، دەپ حابارلايدى اقوردا.

دۋشانبە قالاسىندا ۇجىمدىق قاۋىپسىزدىك تۋرالى شارت ۇيىمى (ۇ ق ش ۇ) ۇجىمدىق قاۋىپسىزدىك كەڭەسىنىڭ سەسسياسى ءوتتى.

قازاقستان پرەزيدەنتى قاسىم- جومارت توقايەۆ، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، رەسەي پرەزيدەنتى ۆلاديمير پۋتين (بەينەبايلانىس رەجيمىندە)، تاجىكستان پرەزيدەنتى ەمومالي راحمون، ارمەنيانىڭ پرەمەر- ءمينيسترى نيكول پاشينيان، سونداي- اق، ۇ ق ش ۇ- نىڭ باس حاتشىسى ستانيسلاۆ زاس شاعىن قۇرامدا كەزدەسۋ وتكىزدى، سودان كەيىن كەلىسسوز دەلەگاتسيالار مۇشەلەرىنىڭ قاتىسۋىمەن جالعاستى.

مەملەكەتتەر باسشىلارى اۋعانستانداعى احۋالعا، حالىقارالىق جانە وڭىرلىك قاۋىپسىزدىك ماسەلەلەرىنە قاتىستى پىكىرلەرىن ورتاعا سالدى. سونداي- اق، 2021 -جىلعى ۇيىم قىزمەتىنىڭ باسىم باعىتتارىنىڭ جۇزەگە اسىرىلۋىن قورىتىندىلاپ، الداعى كەزەڭگە ارنالعان جوسپارىن انىقتادى. قاسىم- جومارت توقايەۆ شاعىن فورماتتا وتكەن كەزدەسۋ بارىسىندا ءوز ارىپتەستەرىنە قاتىسۋشى مەملەكەتتەر اراسىنداعى ىقپالداستىقتىڭ وزەكتى ماسەلەلەرى جونىندەگى قازاقستاننىڭ ۇستانىمىن ايتتى.

«ۇجىمدىق قاۋىپسىزدىك كەڭەسىنىڭ تامىز ايىندا كەزەكتەن تىس وتكىزىلگەن سەسسياسىندا اۋعانستانداعى تۇبەگەيلى وزگەرگەن احۋالعا بايلانىستى تۋىنداعان سىن- قاتەرلەر مەن قاۋىپتى ەگجەي- تەگجەيلى تالقىلادىق. قازاقستان تاراپتاردىڭ وسى كەزدەسۋدە ايتقان تاسىلدەرى مەن ۇسىنىستارىن قولدايدى. ولاردى ىسكە اسىرۋ ءۇشىن ناقتى جۇمىس ىستەۋگە دايىنبىز. بىرىككەن شتاب جانىنان جەدەل مونيتورينگ توبىن قۇرۋ جونىندەگى تاجىك تاراپىنىڭ باستاماسىن دەر كەزىندە ۇسىنىلدى دەپ سانايمىز. بۇل اۋعانستانداعى جاعدايدى قاداعالاپ وتىرۋ ماقساتىندا ۇ ق ش ۇ- عا مۇشە مەملەكەتتەردىڭ قۇزىرەتتى ورگاندارىنىڭ ءىس- قيمىلدارىن ۇيىمداستىرۋ ءۇشىن قاجەت. ەلدەرىمىزدەگى تەررورلىق وشاقتاردى انىقتاپ، اۋىزدىقتاۋ جونىندەگى، سونداي- اق، ەكسترەميزم مەن تەرروريزم ۇگىتىنە قارسى كۇرەس جۇمىستارىن كۇشەيتۋ قاجەتتىگى تۋرالى ارىپتەستەرىمىزدىڭ پىكىرلەرىن قولدايمىز. وڭتۇستىك شەكارا ءارى ۇ ق ش ۇ- نىڭ وزىندىك «قاۋىپسىزدىك بەلدەۋى» سانالاتىن تاجىك شەكاراسىن بەكەمدەۋگە جان- جاقتى كومەك كورسەتۋ قاجەت دەپ سانايمىز»، - دەدى قازاقستان پرەزيدەنتى.

مەملەكەت باسشىسى اۋعان بوسقىندارىن جانە ەلدەرىمىزدىڭ اۋماعىندا شەتەلدىڭ اسكەري بازاسىن ورنالاستىرۋدىڭ تيىمسىزدىگى تۋرالى ورتاق ۇستانىمدى قولدادى. سونىمەن قاتار گۋمانيتارلىق كومەك پەن اۋعان حالقىنا حالىقارالىق قولداۋ كورسەتۋدىڭ ماڭىزدىلىعى ەسكەرىلىپ، ب ۇ ۇ- نىڭ اۋعانستانداعى ميسسياسىنىڭ قىزمەتكەرلەرى الماتى قالاسىندا ۋاقىتشا ورنالاستىرىلعانىن ايتتى. قازاقستان پرەزيدەنتى اۋعانستانداعى احۋالدىڭ ۋشىعۋىنا الاڭدايتىنىن ءبىلدىردى. ونىڭ پىكىرىنشە، وسى ەلدەگى الەۋمەتتىك- ەكونوميكالىق جاعداي گۋمانيتارلىق داعدارىسقا قاراي بەت العان.

« اۋعانستانمەن اراداعى قالىپتاسقان ساۋدا- ەكونوميكالىق، كولىك- لوگيستيكالىق جانە ەنەرگەتيكالىق بايلانىستاردى مۇمكىندىگىنشە قايتا قالپىنا كەلتىرۋ ماڭىزدى دەپ سانايمىن. اۋعانستانداعى ۇزاقمەرزىمدى ستراتەگيالىق ۇستانىمدارىن ازىرلەۋگە قاتىستى جاڭا بيلىكتىڭ قىزمەتىن مۇقيات باقىلاۋدى جالعاستىرۋ قاجەت دەپ ويلايمىن. ءبىزدىڭ نەگىزگى باعدارىمىز – ب ۇ ۇ قاۋىپسىزدىك كەڭەسىنىڭ شەشىمى. قازاقستان ونى تولىق قولداۋعا نيەتتى»، - دەدى قاسىم- جومارت توقايەۆ.

پرەزيدەنتتىڭ ايتۋىنشا، قازاقستان ب ۇ ۇ اياسىندا قاۋىپسىزدىك كەڭەسىنىڭ تۇراقتى مۇشەسى رەسەيمەن جانە ۇ ق ش ۇ- عا مۇشە باسقا دا ارىپتەستەرىمەن ءوزارا ءىس- قيمىل جاساۋعا نيەتتى.

«اۋعانستاننىڭ جاڭا بيلىگىمەن ءىس- قيمىلداردى ۇيلەستىرۋ جانە ىقپالداستىقتى قامتاماسىز ەتۋ جونىندە ناقتى شارالار قابىلداۋدى ۇسىنامىن. جاڭا اۋعان بيلىگىنىڭ شەكارالاس مەملەكەتتەر مەن ايماقتارعا تەرروريزم ءقاۋپىنىڭ تارالماۋىنا جول بەرمەۋ جونىندەگى مىندەتتەمەلەرىن ورىنداۋى - ءبىزدىڭ ايقىن باسىمدىعىمىز. بۇل ەسىرتكى تاسىمالى مەن زاڭسىز كوشۋگە قاتىستى. ولارمەن كۇرەس بارلىق مۇددەلى تاراپتاردىڭ ۇجىمدىق كۇش- جىگەرىن تالاپ ەتەدى»، - دەدى مەملەكەت باسشىسى. سونىمەن قاتار الەمدىك گەوساياساتتا وڭ وزگەرىستەر بار ەكەنىن اتاپ ءوتتى.

«ولاردىڭ ىشىندەگى نەگىزگىسى - رەسەي مەن ا ق ش پرەزيدەنتتەرىنىڭ جەنيەۆادا وتكەن كەزدەسۋى. ونىڭ قورىتىندىسى بويىنشا ەكى ءىرى يادرولىق دەرجاۆا اراسىنداعى ستراتەگيالىق تەڭگەرىمدى ساقتاۋ ماسەلەلەرى جونىندە ماڭىزدى ۋاعدالاستىققا قول جەتكىزىلدى. ۇ ق ش ۇ اياسىندا ءبىز رەسەي مەن ا ق ش اراسىنداعى ستراتەگيالىق شابۋىل قارۋلارى تۋرالى شارتتى ۇزارتۋدى ساياسي تۇرعىدان قولدايتىنىمىزدى بىلدىردىك»، - دەدى پرەزيدەنت.

وتىرىس بارىسىندا قازاقستان حالىقارالىق ءۇش كەلىسىمنىڭ قابىلدانۋىن قۇپتادى. اتاپ ايتقاندا، يۋريسديكتسيا جانە قۇقىقتىق كومەك كورسەتۋ ماسەلەلەرى، ۇقشۇ اسكەرلەرىن ماتەريالدىق- تەحنيكالىق قولداۋ جانە مەديتسينالىق تۇرعىدان قامتاماسىز ەتۋ تۋرالى، سونداي- اق بىتىمگەرلىك قىزمەت تۋرالى كەلىسىم حاتتاماسى.

«بۇل قۇجاتتاردىڭ ءمانى زور، ولار جان- جاقتى پىسىقتالىپ، وندا تاراپتاردىڭ ۇستانىمدارى ەسكەرىلدى. اتالعا قۇجاتتارعا قول قويىلۋىن قۇپتايمىز. جەلتوقسان سەسسياسىندا ايتىلعان ۇسىنىسىمدى ىسكە اسىرۋدا باس حاتشىنىڭ بىتىمگەرلىك جونىندەگى ارناۋلى وكىلى تۋرالى شەشىمدى قابىلدايمىز. قولداعاندارى ءۇشىن بارشا ارىپتەستەرىمە العىسىمدى بىلدىرەمىن. وسىنداي ينستيتۋتتىڭ قۇرىلۋى ۇيىمنىڭ جۇمىسىنا تىڭ سەرپىن بەرەتىنىنە سەنىمدىمىن»، - دەدى مەملەكەت باسشىسى.

مەملەكەت باسشىسى ب ۇ ۇ اياسىندا بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى ۇسىنىسىن قولداعانى ءۇشىن رەسەي تاراپىنا ريزاشىلىعىن ءبىلدىردى. قاسىم- جومارت توقايەۆ بارشا ارىپتەستەرىن بۇل باستامانى بۇۇ- دا ىلگەرىلەتۋ ىسىندە قازاقستاندى قولداۋعا شاقىردى. قازاقستان پرەزيدەنتى ءسوزىنىڭ سوڭىندا ۇ ق ش ۇ- عا تابىستى ءتوراعالىق ەتكەنى ءۇشىن ەمومالي راحمونعا العىس ايتىپ، ۇيىمعا ءتوراعالىق ەتۋ كەزەگى كەلگەن ارميان ارىپتەستەرىمەن بەلسەندى ىنتىماقتاستىق ورناتۋعا ءازىر ەكەنىن جەتكىزدى. سامميت قورىتىندىسى بويىنشا ۇ ق ش ۇ- عا مۇشە مەملەكەتتەردىڭ باسشىلارى ۇجىمدىق قاۋىپسىزدىك كەڭەسىنىڭ دەكلاراتسياسىن قابىلدادى.

قازاقستان پرەزيدەنتىنىڭ ايتۋىنشا، بۇل جۇمىسىمىزدىڭ ماڭىزدى باعدارى جانە الەمدىك قوعامداستىققا بەرىلگەن ايقىن بەلگى.

回到顶部