今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ءازىلحان نۇرشايىق: ەردى ەر، باتىردى باتىر وسىلاي قۇرمەتتەيدى ەكەن

29 七月 2021 15:43

نۇر- سۇلتان. قازاقپارات ... ايتپاقشى پارتيزان قاسىم قايسەنوۆ كەلىپ كەتتى. ساعان دا سالەم ايتتى.

- سالەمەت بولسىن. كارانتين عوي، قالاي كىردى ەكەن؟

- قاسىمعا كارانتين بوگەت بولۋشى ما ەدى. قاقپاعا بارىپ ەدىم، كىرگىزبەدى. ءبىر بۇرىشتى اينالدىم دا، قورشاۋ تاقتايدى تەۋىپ قالىپ بىرەۋىن سىندىردىم. ءبىراق ودان سىيمادىم. ەكىنشىسىن سىندىردىم دا، سىپ ەتىپ اۋرۋحانانىڭ اۋلاسىنا كىردىم. پولكوۆنيك اعام اۋىرىپ، ارىستاي بوپ اۋرۋحانادا جاتسا، قارايمىن با مەن بۇلاردىڭ قاراۋىلى مەن كارانتينىنە دەيدى.

- قورشاۋدىڭ تاقتايىن سىندىرعانىڭ ءۇشىن ءوزىندى سوتقا بەرسە قايتەسىڭ؟ - دەدىم وعان. ول اۋرۋحانانىڭ اۋلاسىن باسىنا كوتەرىپ، ساقىلداپ كەپ كۇلدى.





- جوق، باۋكە، وعان قورىقپايمىن. جاسانعان جاۋ تۇتقىن لاگەرىن توعىز قابات سىممەن قورشاپ، اۆتومات، پۋلەمەتىن كەۋدەمە كەزەپ تۇرعاندا ولاردىڭ تاس- تالقانىن شىعارىپ، سوۆەت ازاماتتارىن ازات ەتكەن قاسىم اۋرۋحاناداعى اعاسىنا كەلىپ، الاقانىن سيپاپ، بەتىنەن سۇيە الماسا، ول نەسىنە كىسى بولىپ جۇرەدى، - دەپ ايقارا ق، ەكى بەتىمنەن كەزەك ءسۇيىپ جاتىر.

- ءوزىڭدى ارقالاپ الىپ كەتەيىن، كەتەسىڭ بە ۇيگە؟ - دەيدى تاعى دا. قاسىمعا نە دەرسىڭ، راقمەت، اينالايىن دەپ ماڭدايىنان ءسۇيدىم. ول جوعارىعا كوتەرىلىپ، سەنىڭ دە كوڭىلىڭدى سۇراماق ەدى. ءبىراق تومەندەگى سەسترالار شۋىلداپ، جىبەرمەدى. سودان كەيىن: «ءاي، قاسىم، قويعىن. بۇل ساعان ۋكراينانىڭ ورمانى ەمەس»، - دەپ قايتارىپ جىبەردىم.

پارتيزان جازۋشى قاسىم قايسەنوۆتىڭ بۇل قىلىعىنا مەن قاتتى تەبىرەنىپ قالدىم. ويتكەنى وسى كىشكەنتاي دەتال ماعان كوپ نارسەنى بايانداپ تۇرعانداي بولدى. قاسىم كەشەگى ەل باسىنا كۇن تۋعان اۋىر شاقتا ەتىگىمەن سۋ كەشكەن ەرلەردىڭ ءبىرى. ول ۋكراين پارتيزاندارىنىڭ ورتاسىندا وت ىشىندە وترياد باستاپ ءجۇردى. وتاننىڭ ازاتتىعى ءۇشىن ءوز باسىن ولىمگە بايلاپ، وجەتتىگىمەن، ەرلىگىمەن تالاي اۋىر تاپسىرمالاردى ابىرويمەن ورىندادى. ەندى سول ارداگەر ازامات ارسالاڭداپ ارامىزدا ءجۇر.

قاسىمنىڭ مەنىمەن قارىم- قاتىناسى جوق ادام، ايتقان سالەمىنە راقمەت. ال ونىڭ باۋكەڭدى بۇلاي ىزدەپ كەلۋى ەكىنىڭ ءبىرىنىڭ قولىنان كەلمەيتىن جاي. كەيبىر اعايىندارىڭ اۋىرىپ جاتقانىندا ەسىك اشىق تۇرسا دا باس سۇقپايدى. ال قاسىم بولسا اۋرۋحانانىڭ قابىرعاسىن قاقىراتىپ كىرىپ، اعاسىن ايمالاپ بەتىنەن سۇيگەن. بۇل دا ءبىر وزىنشە ەرلىك ىسپەتتەس ءىس ەكەن. اعانى ارداقتاۋدىڭ، ازاماتتى قادىرلەۋدىڭ ادامگەرشىلىك ۇلگىسى وسىنداي بولار. ەردى ەر، باتىردى باتىر وسىلاي قۇرمەتتەيتىن شىعار دەپ ويلادىم مەن.

«اقيقات پەن اڭىز» رومانىنان الىندى

دايىنداعان ر. نۇركەن

namys.kz


关键词: قوعام,
回到顶部