今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Алматыда жаяу жүргіншіні автобус қағып, мерт қылды

9 十二月 2021 10:24

АЛМАТЫ. ҚазАқпарат – Алматыда 60 жастағы әйелді автобус қағып кетті. Жапа шегуші оқиға орнында көз жұмды, деп хабарлайды ҚазАқпарат тілшісі.

Алматы қалалық полиция департаментінің мәліметінше, жол апаты бүгін таңғы сағат 06:10 шамасында Б. Момышұлы көшесінің бойында болған.

«Saz HC 40» маркалы автобус жүргізуші Б.Момышұлы көшесімен оңтүстік бағытта келе жатып, № 65-үйге қарама-қарсы тұста жаяу жүргіншілер жолынан өтіп бара жатқан 1961 жылы туған әйелді қағып кетті. М. есімді әйел алған жарақатынан оқиға орнында көз жұмды»,- деп хабарлады полициядан.

Аталған дерек ҚР Қылмыстық кодексінің 345-бабының 3-бөлігі бойынша сотқа дейінгі тергеп-тексерудің бірыңғай тізіліміне тіркелді.

Сараптама тағайындалды.


回到顶部