今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

وزبەكستان اتا زاڭىن وزگەرتەدى

8 十二月 2021 18:55

نۇر- سۇلتان. قازاقپارات – مۇنداي جاڭالىقتى كورشى ەل پرەزيدەنتى شاۆكات ميرزيەۆ ءوز حالقىن اتا زاڭ كۇنىمەن قۇتتىقتاۋ بارىسىندا مالىمدەدى، دەپ حابارلايدى حابار 24.

وزبەكستان باسشىسى 9 نەگىزگى باعىت بويىنشا جاڭاشىلدىق ەنگىزۋدى ۇسىندى. بۇعان دەيىن جۇمىس ىستەگەن «مەملەكەت - قوعام - ادام» پرينتسيپىنەن باس تارتىپ، «ادام - قوعام - مەملەكەت» پرينتسىپىنە كوشۋ قاجەتتىگى ايتىلدى. تاعى كونستيتۋتسيادا ازاماتتىق قوعام ينستيتۋتىنىڭ ءرولى مەن ستاتۋسى بەكىتىلمەك.

بۇعان قوسا جاستار ساياساتى، بالا ەڭبەگىن بولدىرماۋ، قارتتار مەن مۇگەدەكتەردىڭ قۇقىعىن قورعاۋ، ەكولوگيا، ءبىلىم مەن عىلىمدى دامىتۋ جايىنا دا ەرەكشە كوڭىل بولىنبەك.

جاڭاشىلدىقتىڭ قاتارىنا پارلامەنت پەن جەرگىلىكتى كەنگاشتاردىڭ وكىلەتتىلىكتەرىن كەڭەيتۋ دە ەنىپ وتىر. ەندى وزبەكتەر بۇل وزگەرىستەردى كەلەر جىلدىڭ جەلتوقسان ايىندا، وزبەكستان كونستيتۋتسياسىنىڭ 30 جىلدىعىندا قابىلداۋدى جوسپارلاپ وتىر.

باحتيار ەرگاشيەۆ، «Ma’no» زەرتتەۋ باستامالارى ورتالىعىنىڭ ديرەكتورى:

- پارلامەنتتىڭ ماڭىزى مەن ساياسي ءرولىنىڭ، ساياسي فراكسيالاردىڭ، ساياسي پارتيالاردىڭ، پارلامەنتتىك كوميتەتتەردىڭ ءرولىن ودان ءارى دە كۇشەيتۋ كەرەك. ماسەلەن، ءبىز ءالى كۇنگە دەيىن پارلامەنتتىك تەرگەۋ دەگەن قۇرالدى پايدالانباي كەلەمىز. كونستيتۋتسيادا جازىلعان، ءبىراق ءالى تولىققاندى قولدانىلماي كەلە جاتقان وكىلەتتىلىكتەردى تولىقتىرۋ قاجەت.

关键词: الةم,
回到顶部