今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Алматыда 40 жастағы ер адамның бас миына аса күрделі операция жасалды

30 十一月 2021 11:21

АЛМАТЫ. ҚазАқпарат - Алматылық дәрігерлер 40 жастағы ер адамның бас миына жоғары технологиялық операция жасады, деп хабарлайды ҚазАқпарат тілшісі.

Орталық қалалық клиникалық аурухананың мәліметінше, неврология қабылдау бөлімшесіне ми қанайналымының жіті бұзушылығы күдігімен 1981 жылы туған пациент келіп түсті.

Науқасты аурухананың нейрохирургі тексеріліп, ангиография КТ жүргізді. Нәтижиесінде, алдыңғы қосылған күре тамырының үзілген аневризмасы анықталды.

Шұғыл түрде нейрохирург- дәрігер Ербол Макежанов жоғары технологиялық операция жасады. Яғни қапты аневризманың ассистенция баллонымен эндоваскулярлы эмболизация жүргізді.

Дәрігердің айтуынша, эндоваскуляр нейрохирургияның заманауи технологиялары бұл операцияларды бас сүйекті теспей жасау мүмкіндігін береді.

«Жамбас күре тамыры арқылы бүкіл ағзасы бойынша арнайы катетер салынып, аневризмаға енеміз де онда арнайы спиральдарды орнатамыз, содан соң аневризма қан ағымынан жансызданып осылайша қан құйылу қаупінің алды алынады. Операция сәтті өтті. Пациент реанимация бөлімшесінде оянғаннан соң ауруға шағымданған жоқ. Бұрыннан мазасын алған бас сақинасының ауруы толығымен жойылып, 10-шы тәулікте пациент ауруханадан шығарылды»- деді Ербол Макежанов.

Сонымен қатар, ол аневризманың үзілуі геморрагиялық инсульт, жүйке жүйесінің зақымдануы немесе бас миына қан кетуге дейін апаратынын атап өтті.


回到顶部