今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

ШҚО-да түрмеге тыйым салынған заттарды кіргізбек болған екі адам ұсталды

27 十一月 2021 03:32

ӨСКЕМЕН. ҚазАқпарат – Шығыс Қазақстан облысында түрмеге қоршауынан насыбай мен телефон лақтырмақ болғандар ұсталды, деп хабарлайды ҚазАқпарат тілшісі.

ШҚО бойынша ҚАЖ департаменті баспасөз қызметінің мәліметіне сүйенсек, ОВ 156/3 колониясының қызметкерлері тыйым салынған заттарды кіргізбек болғандардың жолын кесті.

Түрме қоршауының маңынан 49 жастағы Өскемен тұрғыны ұсталды. Ол түзету мекемесінің аумағына скотчпен оралған екі түйіншекті лақтырмақ болған. Оның ішінен сим-карталар, карта мен бес ұялы телефон табылды.

«Бұдан бөлек, колонияға 5 бөтелке насыбай кіргізбек болған адам ұсталды. Оқиға орнына жедел-тергеу тобы шақырылды. Анықталғандай, құқық бұзушы жеке көлігімен түрме маңына жетіп, насыбайды қоршау сыртынан ішке лақтырмақ болған. 30 жастағы өскемендік кінәсін мойындап отыр», - делінген ақпаратта.


回到顶部