今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

«Алтын Емелде» заманауи визит-орталық пайда болады

26 七月 2021 04:11

НҰР-СҰЛТАН. ҚазАқпарат – «Алтын Емел» мемлекеттік ұлттық табиғи паркінде заманауи визит-орталық пайда болады, деп хабарлайды ҚазАқпарат Экология министрлігіне сілтеме жасап.

Нысан құрылысы ҚР Экология, геология және табиғи ресурстар министрі Мағзұм Мырзағалиевтің инвесторлармен кездесуінде талқыланды.

Сондай-ақ парк аумағында глэмпингтер, кемпингтер, тамашалау алаңдарын, демалуға арналған орын және автотұрақ пайда болады. Экотуризмді дамыту Тұжырымдамасына сәйкес ұлттық паркте қауіпсіз туристік маршруттар мен соқпақтарды дамытуға, туристік объектілерді күрделі құрылыстарсыз орналастыруға ерекше мән беріледі.

Мағзұм Мырзағалиев «Айғайқұмнан» 1,5 км қашықтықта орналасқан Ш.Уәлиханов бұлағына да барды. Бұлақ қазақтың ұлы ғалымы, этнографы және зерттеушісі Шоқан Уәлихановтың есімімен аталған.

Сапар соңында ЭГТРМ өкілдері Іле-Алатау МҰТП-дағы «Аюсай» визит-орталығына барды. Аталған нысанды экотуризмді дамыту жобасы аясында «Туранга Групп» ЖШС салған болатын. Қазір мұнда глэмпингтер, кемпингтер саны артып келеді. Сондай-ақ министр экобелсенді, еріктілермен кездесіп, саланы дамытуға қатысты мәселелерді талқылады.

Айта кетейік, 2020 жылы Іле-Алатау МҰТП мен компания арасында жалпы ауданы 35 га болатын парк учаскелерін ұзақ мерзімді пайдалану шарты жасалды, жобаға 4 жыл ішінде 12 млрд.теңгеге дейін инвестициялау жоспарлануда. 7 визит-орталық, 155 км жаяу жол, 2 кемпинг, этноауыл, Керуен және 10 глэмпинг салынады.


回到顶部