今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Алматыда коронавирус жұқтырғанына қарамастан кинотеатрға барған қыз айыппұл төлейді

16 六月 2021 17:53

АЛМАТЫ. ҚазАқпарат- Алматыда «қызыл» мәртебесі бар тұрғынға кинотеатрға барғаны үшін айыппұл салынды. Бұл туралы қалалық эпидемиологиялық бақылау департаменті басшысының орынбасары Сәдуақас Байғұбылов мәлім етті, деп хабарлайды ҚазАқпарат тілшісі.

«ПТР-сынамасы оң нәтиже көрсеткен Алматы қаласының тұрғыны 14 күндік карантин режимін бұзып, кинотеатрлардың біріне барған. Бірақ QR-кодты сканерлеген кезде қыздың Ashyq қосымшасы «қызыл» мәртебе көрсеткен. Осылайша, ол кинотеатрға кіре алмады»,- дейді Алматы қалалық санитариялық-эпидемиологиялық бақылау департаменті басшысының орынбасары Сәдуақас Байғабылов.

Тұрғынға қатысты оқшаулау режимін бұзғаны үшін Түрксіб ауданы бойынша санитария дәрігерлері ҚР ӘҚБтК 425-бабы бойынша әкімшілік іс қозғады.

Баптың санкциясы 30 АЕК мөлшерінде айыппұл салуды көздейді.

«ПТР-сынамасы оң нәтиже көрсеткен алматылықтарды 14 күндік карантин режимін сақтауға шақырамыз. Бұл тұрғындар арасында коронавирус инфекциясының таралуын азайтуға және «жасыл» аймақта тұрақты түрде қалуға мүмкіндік береді», - деді Сәдуақас Байғабылов.



回到顶部