今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Алматы-Өскемен жолының 382-410 шақырымы жабық

22 五月 2022 20:08

ТАЛДЫҚОРҒАН. ҚазАқпарат - Жаңбыр суының шайып кетуіне байланысты Алматы-Өскемен тас жолының 382-410 шақырымы жабылды, деп хабарлайды ҚазАқпарат тілшісі.

Тұрғындарға 112 номерінен «Алматы-Өскемен тас жолының 382-410 шақырымы жабық. Көпір шайылған, жол жабық» деген хабарлама жолданды.

«Республикалық маңызы бар Алматы-Өскемен тас жолының 393-395 шақырымын қатты жауған жауын суы шайып кетті. Апаттық жағдай болған жерде 4 жүк көлігі тұр. Жүргізушілермен байланыс орнатылған, азық-түлікпен қамтамасыз етіледі. Оқиға орнында тиісті мамандар жұмыс істеп жатыр. Аппаттың салдарын жоюға техникалар мен жұмысшылар жұмылдырылған. Матай-Лепсі арқылы айналма жолмен жүруге болады. Зардап шеккендер жоқ», - делінген Алматы облысы Ақсу ауданы әкімінің баспасөз қызметі таратқан хабарламада.

Бұған дейін жаңадан салынып жатқан Талдықорған-Үшарал жолын су шайып кеткенін хабарлаған болатынбыз.








回到顶部