今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

АҚШ президенті Бельгияға барады

13 六月 2021 15:45

БРЮССЕЛЬ. ҚазАқпарат – АҚШ президенті Джо Байден жексенбі күні кешке Бельгияға келеді, деп хабарлайды ҚазАқпарат.

Джо Байденді әскери әуежайда Бельгияның премьер-министрі Александр Де Кроо күтіп алады. Бельгияға салмағы 8 тоннадай болатын «Зверь» (The Beast) лақап атымен арнайы брондалған АҚШ президентінің лимузині жеткізілді.

Брюссельде Ақ үй басшысы АҚШ-НАТО және АҚШ-ЕО саммитіне қатысады.

Дүйсенбі күні НАТО саммиті өтеді, онда Альянстың 2030 жылға дейінгі стратегиясын бекіту, климат, киберқауіпсіздік, Ауғанстаннан әскерлерді шығару және қауіпсіздіктің басқа да өзекті тақырыптарын талқылау жоспарлануда.

Саммит аясында Джо Байден сондай-ақ Түркия президенті Режеп Тайып Ердоғанмен кездеседі.

Сейсенбі күні Джо Байденнің Бельгия королі Филипппен, Премьер-министр Александр Де Кроомен, Сыртқы істер министрі Софи Уилмспен жүздесуі жоспарланған.

15 маусым күні түстен кейін Джо Байден ЕО басшылары Шарль Мишельмен және Урсула фон дер Ляйенмен кездеседі.

Ал, сейсенбі күні кешке Ақ үй басшысы Швейцарияның Женева қаласына ұшып барады, онда Ресей президенті Владимир Путинмен екіжақты кездесу өткізеді.



关键词: АҚШ,
回到顶部