今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

باس پروكۋراتۋرا: اۋىر جانە اسا اۋىر قىلمىستار بويىنشا 695 تەرگەۋ باستالدى

18 一月 2022 13:27

نۇر- سۇلتان. قازاقپارات - ەلدەگى تارتىپسىزدىكتەرگە بايلانىستى «اۋىر» جانە «اسا اۋىر» قىلمىستار بويىنشا 695 سوتقا دەيىنگى تەرگەۋ باستالدى، دەپ حابارلايدى قازاقپارات ءتىلشىسى.

بۇل تۋرالى ق ر باس پروكۋرورىنىڭ اعا كومەكشىسى ازامات سارعازين ورتالىق كوممۋنيكاتسيالار قىزمەتىندە وتكەن بريفينگىدە ايتتى.

«اۋىر جانە اسا اۋىر قىلمىستار بويىنشا 695 سوتقا دەيىنگى تەرگەپ- تەكسەرۋ باستالدى. ونىڭ ىشىندە 44 - تەرروريزم اكتىلەرى بويىنشا، 15 - كىسى ءولتىرۋ بويىنشا، 6 ءىس - ناسيحاتتاۋ فاكتىلەرى جانە بيلىكتى باسىپ الۋعا شاقىرۋ بويىنشا. كۇدىكتى رەتىندە 780 ادام ۇستالدى. ونىڭ 695- ءىن سوت قاماققا الدى. بۇل ىستەردىڭ اۋىر جانە اسا اۋىر قىلمىستار ساناتىنا جاتاتىنىنا تاعى دا نازار اۋدارىعىم كەلەدى»، - دەدى باس پروكۋروردىڭ اعا كومەكشىسى.

بۇعان دەيىنگى بريفينگىلەردىڭ بىرىندە باس پروكۋراتۋرا توتەنشە جاعداي رەجيمى كەزىندە قۇقىق قورعاۋ وكىلدەرىنىڭ ارەكەتىنە بايلانىستى ەلدەگى 32 ارىز تۇسكەنىن ءمالىم ەتكەن بولاتىن. قۇزىرلى ورگان تارتىپسىزدىكتەر مەن تەرروريستىك شابۋىلدان قازا بولعانداردىڭ جالپى سانىن اتاعان ەدى.

اۆتور: ەسىمجان ناقتىباي

关键词: قوعام,
回到顶部