今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

تەكەلىدەگى لاي كوشكىنىندە جوعالعان 5 جاسار بالانىڭ ءمايىتى تابىلدى

16 五月 2022 08:02

تەكەلى. قازاقپارات - تەكەلىدەگى لاي كوشكىنىندە جوعالعان بەس جاستاعى بالانىڭ ءمايىتى تابىلدى، دەپ حابارلايدى قازاقپارات ءتىلشىسى.

بۇل جونىندە الماتى وبلىسى اكىمىنىڭ كەڭەسشىسى عالىمۇرات جۇكەل فەيسبۋك پاراقشاسىندا جازدى. «بەس جاسار قىزدىڭ ءمايىتى تابىلدى. شاپاعاتشى بولسىن!»، - دەپ جازدى ول.

بۇل اقپاراتتى الماتى وبلىسى توتەنشە جاعداي دەپارتامەنتى دە راستادى.

«15- مامىر كۇنى ساعات 18.15-تە قىزمەتتىك ءيتتىڭ كومەگىمەن تەكەلى قالاسىندا لاي كوشكىنى كەزىندە قازا تاپقان 2016 -جىلى تۋعان قىز بالانىڭ دەنەسى بۇزىلعان ءۇيىندى استىنان تابىلدى» - دەلىنگەن حابارلامادا.

ايتا كەتسەك، كەشە تۇسكى ساعات 13:00 شاماسىندا تەكەلىدەگى قونايەۆ كوشەسىندە لاي كوشكىنى ءجۇرىپ، بەس جاستاعى قىز بالا جوعالىپ كەتكەن. ونى ىزدەۋگە ەكى جۇزدەي ادام جۇمىلدىرىلدى. تەكەلى قالاسىنداعى لاي كوشكىنىنىڭ الدىن الا ۇزىندىعى 50 مەتر، ەنى 25 مەتر، بيىكتىگى 3,5 مەتر، كولەمى 4375 تەكشە مەتر. كوشكىننەن جەكە تۇرعىن ءۇي قيرادى، ءبىر ءۇي بالشىقتىڭ استىندا قالدى، تۇرعىن ۇيلەردىڭ تاعى تورتەۋىنىڭ اۋلاسىن ءىشىنارا لاي كوشكىنى شايىپ كەتتى. سونىمەن قاتار لاي كوشكەنىنىڭ بولۋ سەبەبى ايتىلدى. الدىن الا انىقتالعانداي، 15- مامىر كۇنى ساعات تۇنگى ساعات 01:30-دان 13:00-گە دەيىنگى ارىقتا جاۋىن جاۋعان. سونىمەن قاتار بۇعان دەيىن ءبۇلىنىپ تۇرعان قۇبىردان سۋ اققان. سالدارىنان توپىراق باتپاققا اينالعان.

اۆتور: سامال قابىشيەۆا









关键词: ايماق,
回到顶部