今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

ەلورداداعى تاۋەلسىزدىك داڭعىلى مەن №38 كوشەنىڭ اراسىن جالعايتىن كوپىر كەلەسى جىلى اشىلادى

17 五月 2022 15:23

نۇر- سۇلتان. قازاقپارات - نۇر- سۇلتان قالاسىنداعى تاۋەلسىزدىك داڭعىلى مەن №38 كوشەنىڭ اراسىن جالعايتىن كوپىر كەلەسى جىلى قولدانىسقا بەرىلەدى، دەپ حابارلايدى قازاقپارات ءتىلشىسى.

بۇل تۋرالى نۇر- سۇلتان قالاسى پوليتسيا دەپارتامەنتىنىڭ اكىمشىلىك پوليتسيا باسقارماسى باستىعىنىڭ ورىنباسارى نۇرلان ۋۆايەۆ ايتتى،

«ەسىل وزەنىنىڭ وڭ جانە سول جاعالاۋلارىن جالعايتىن 5 اۆتوجول كوپىرى قولدانىستا. بۇگىندە قالانىڭ بۇل بولىگىندە ماڭگىلىك ەل جانە تۇران كوشەلەرى ەڭ نەگىزگى كولىك ماگيسترالى بولىپ وتىرعانىن بىلەسىزدەر. ولاردىڭ جۇكتەمەسى وتە تىعىز. سول ءۇشىن ەسىل وزەنى ارقىلى وڭ جانە سول جاعالاۋدى جالعايتىن 2 كوپىر سالىنىپ جاتىر. ءبىرى تاۋەلسىزدىك جانە №38 كوشەنىڭ اراسىن جالعاسا، ەكىنشىسى ۇلى دالا جانە ناجىمەدەنوۆ كوشەلەرىنىڭ اراسىن جالعايدى. بۇل 2 كوپىر قولدانىسقا بەرىلسە، ماڭگىلىك ەل كوشەسىندەگى كولىك قوزعالىسىنىڭ تىعىزدىعى 20 پايىز تومەندەيدى دەگەن ەسەپ بار. بيىل شىلدە ايىندا ۇلى دالا جانە ناجىمەدەنوۆ كوشەلەرىنىڭ اراسىن جالعايتىن كوپىر قولدانىسقا بەرىلەدى دەپ جوسپارلانعان. قازىر اسپالى جولداردىڭ ءبارى توسەلگەن. ەندى كوپىر ارالىقتارىن ورناتۋ عانا قالدى. ءبىرىنشى قاباتى ءبىتىپ قالدى. كەشە عانا بارىپ كورىپ قايتتىم. بۇل كوپىر قولدانىسقا بەرىلسە، سول جاعالاۋداعى كولىك كەپتەلىستەرى ازايادى دەگەن ءۇمىت بار»، - دەيدى نۇرلان ۋۆايەۆ.

ال ەسىلدىڭ بويىنا تۇسەتىن ەكىنشى كوپىر كەلەسى جىلى سالىنىپ ءبىتۋى كەرەك.

«2023 -جىلى تاۋەلسىزدىك جانە №38 كوشەلەردىڭ اراسىن جالعايتىن كوپىر قولدانىسقا بەرىلۋى كەرەك. قازىر كوپىر سالىنىپ جاتىر. جوبا وتە اۋقىمدى. قۇرىلىس كەستەسى بويىنشا كەلەسى جىلعا جوسپارلانعان. سوندىقتان 2023 -جىلى وسى 2 كوپىر تولىق قولدانىسقا ەنىپ، كولىك اعىندارى قايتا رەتتەلەدى دەپ ويلايمىن»، - دەدى دەپارتامەنت وكىلى.

بۇعان دەيىن قالالىق كولىك جانە جول- كولىك ينفراقۇرىلىمىن دامىتۋ باسقارماسىنىڭ باسشىسى جانسۇلتان ساپاربايەۆ استانا جولدارىنداعى كەپتەلىستى شەشۋ ءۇشىن 2 كوپىر سالىناتىنىن ايتقان بولاتىن.

اۆتور ەسىمجان ناقتىباي

关键词: ايماق,
回到顶部