今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

اسا تاپشى مەديتسينا ماماندىقتارىنا 2600 گرانت بولىنەدى

2 十二月 2021 14:41

نۇر- سۇلتان. قازاقپارات - 2021-2025 -جىلدارعا ارنالعان «دەنى ساۋ ۇلت» ۇلتتىق جوباسىنىڭ شەڭبەرىندە اسا تاپشى مەديتسينالىق ماماندىقتار رەزيدەنتۋراسىنىڭ گرانت سانىن ارتتىرۋ جوسپارلانىپ وتىر.

بۇل ماقساتقا رەسپۋبليكالىق بيۋدجەتتەن 39 ميلليارد 954 ميلليون تەڭگە، جەرگىلىكتى بيۋدجەتتەردەن 11 ميلليارد 568,3 ميلليون تەڭگە ءبولۋ كوزدەلگەن، دەپ حابارلايدى قازاقپارات ءتىلشىسى.

ق ر دەنساۋلىق ساقتاۋ مينيسترلىگىنىڭ قازاقپارات ساۋالىنا بەرگەن جاۋابىندا وسىنداي مالىمەت ايتىلعان. ۇلتتىق جوبا شەڭبەرىندە «ادامي كاپيتالدى دامىتۋ، ءبىلىم مەن عىلىمدى جاڭعىرتۋ مىندەتىنە» 52 ميلليارد 122,2 ميلليون تەڭگە قارجى ءبولۋ كوزدەلگەن. رەسپۋبليكالىق بيۋدجەتتەن - 40 ميلليارد 554 ميلليون تەڭگە، جەرگىلىكتى اتقارۋشى ورگانداردىڭ قاراجاتى ەسەبىنەن - 11 ميلليارد 568,3 ميلليون تەڭگە جۇمسالماق.

«بۇل قاراجات 2023-2025 -جىلدار ارالىعىندا قارقىندى تەراپيانى قوسا العاندا، جەتەكشى الەمدىك ورتالىقتاردا 156 دارىگەردى وقىتۋدى جۇزەگە اسىرۋعا جۇمسالادى. 2023 -جىلدان باستاپ جىل سايىن 52 دارىگەر وسى ءتاسىل بويىنشا بىلىكتىلىگىن ارتتىرادى. قارجىلاندىرۋ كولەمى جىل سايىن 200 ميلليون تەڭگەنى قۇرايتىن بولادى. قارجىلاندىرۋدىڭ جالپى سوماسى 600 ميلليون تەڭگە بولادى»، - دەلىنگەن مينيسترلىك باسپا ءسوز قىزمەتىنىڭ جاۋابىندا.

سونداي- اق، اسا تاپشى ماماندىقتار رەزيدەنتۋراسىنىڭ گرانت سانىن 2022 -جىلى 1500-دەن 2025 - جىلى 3800 گرانتقا دەيىن كەزەڭ- كەزەڭىمەن ۇلعايتۋ قاراستىرىلىپ وتىر. ول ءۇشىن 2022 -جىلى - 1500 گرانت، 2023 -جىلى - 2600 گرانت، 2024 -جىلى-3060 گرانت، 2025 -جىلى -3800 گرانت ءبولۋ جوسپاردا بار.

«بۇل ءۇشىن رەسپۋبليكالىق بيۋدجەتتەن 39 ميلليارد 954 ميلليون تەڭگە، جەرگىلىكتى بيۋدجەتتەردەن 11 ميلليارد 568,3 ميلليون تەڭگە ءبولۋ جوسپارلانۋدا. ۇلعايتۋ 2023 -جىلدان باستاپ جوسپارلانۋدا. 2023 -جىلى رەسپۋبليكالىق بيۋدجەتتەن 1700 گرانتقا 9 786 ميلليون تەڭگە جانە جەرگىلىكتى اتقارۋشى ورگاندار ەسەبىنەن 900 گرانتقا 792,4 ميلليون تەڭگە بولىنەدى. 2024 -جىلى رەسپۋبليكالىق بيۋدجەتتەن 1800 گرانتقا 10 ميلليارد 947 ميلليون تەڭگە جانە جەرگىلىكتى بيۋدجەتتەردەن 1260 گرانتقا 3 ميلليارد 486,3 ميلليون تەڭگە بولىنەدى. 2025 -جىلى رەسپۋبليكالىق بيۋدجەتتەن 2000 گرانتقا 11912 ميلليون تەڭگە جانە جەرگىلىكتى بيۋدجەتتەردەن 1800 گرانتقا 7289,6 ميلليون تەڭگە بولىنەدى»، - دەپ جازادى مينيسترلىكتىڭ باسپا ءسوز قىزمەتى.

اۆتور: ەسىمجان ناقتىباي

回到顶部