今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

ماجارستان قازاقستاندىقتارعا 250 ءبىلىم گرانتىن ۇسىنادى

26 一月 2022 16:55

نۇر- سۇلتان. قازاقپارات - ماجارستان قازاقستاندىقتارعا 250 ءبىلىم گرانتىن ۇسىنادى، دەپ حابارلايدى ق ر ب ع م باسپا ءسوز قىزمەتى.

وتانداستارىمىز «Stipendium Hungaricum» ستيپەنديالىق باعدارلاماسى شەڭبەرىندە ق ر ءبىلىم جانە عىلىم مينيسترلىگى مەن ماجارستان رەسپۋبليكاسىنىڭ ادامي رەسۋرستار مينيسترلىگى اراسىنداعى كەلىسىمدەردىڭ ارقاسىندا ماجارستاننىڭ جوعارى وقۋ ورىندارىندا تەگىن وقي الادى.

«قازىر وسىنداي ۇكىمەتارالىق كەلىسىمدەر اياسىندا ۇمىتكەرلەردى ىرىكتەۋ ەرەجەلەرىن جەتىلدىرۋ بويىنشا جۇمىس ىستەپ جاتىرمىز. حالىقتىڭ الەۋمەتتىك وسال توپتارى ءۇشىن، مىسالى، كوپبالالى وتباسىلاردان شىققان بالالار، جەتىم جانە ەرەكشە وقۋ قاجەتتىلىكتەرى بار بالالار، سونداي- اق اۋىلدىق جەرلەردەن كەلگەن ۇمىتكەرلەر ءۇشىن ارتىقشىلىقتار قاراستىرىلعان»، - دەدى حالىقارالىق باعدارلامالار ورتالىعىنىڭ باسقارما ءتوراعاسى ءانۋار جانعوزين.

«Stipendium Hungaricum» ستيپەنديالىق باعدارلاماسى قازاقستاندىقتارعا كەلەسى باعدارلامالار بويىنشا 250 گرانت ۇسىنادى:

• باكالاۆريات بويىنشا 110 ورىن؛

• ماگيستراتۋرا بويىنشا 90 ورىن؛

• باكالاۆريات+ماگيستراتۋرا بويىنشا 30 ورىن؛

• دوكتورانتۋرا بويىنشا 20 ورىن. گرانتتار ماجار ءتىلىن اكادەميالىق ماقساتتا ۇيرەنۋ كۋرستارىن، جاتاقحانا اقىسىن، مەديتسينالىق ساقتاندىرۋعا جۇمسالاتىن شىعىنداردى وتەيدى. سونداي- اق ستۋدەنتتەرگە اي سايىنعى ستيپەنديا تولەنەدى. وقىتۋ اعىلشىن جانە ماجار تىلدەرىندە وتەدى. ۇمىتكەرلەر ءبىر جىلدىق ماجار ءتىلى كۋرسىنان وتكەن سوڭ سول تىلدە وقيتىن بولسا، تاڭدالعان باعدارلاما بويىنشا وقيدى.

«Stipendium Hungaricum» ستيپەنديالىق باعدارلاماسى تۋرالى تولىعىراق اقپارات قوسىمشا «حالىقارالىق باعدارلامالار ورتالىعى» ا ق سايتىندا نەمەسە ق ر ءبىلىم جانە عىلىم مينيسترلىگىنىڭ سايتىندا جاريالانادى. «حالىقارالىق باعدارلامالار ورتالىعى» ا ق باسقا ەلدەرمەن ىنتىماقتاستىق ورناتۋ بويىنشا جۇمىس جۇرگىزىپ جاتىر. 2021 -جىلى قازاقستان «بولاشاق» حالىقارالىق ستيپەندياسى بويىنشا جاڭا ەلدەرمەن جانە جوعارى وقۋ ورىندارىمەن بايلانىس ورناتتى. 2021-2023 -جىلدارى ءبىلىم الاتىن جوعارى وقۋ ورىندارىنىڭ سانى 138-دەن 207-گە ءوستى.


回到顶部