今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

ماڭعىستاۋدا جۇمىسسىزدىق ماسەلەسىن شەشۋ ءۇشىن 21 ينۆەستجوبا ىسكە قوسىلماق

13 五月 2022 19:45

نۇر- سۇلتان. قازاقپارات - ماڭعىستاۋ وبلىسىنا جۇمىس ساپارى اياسىندا ق ر پرەمەر- ءمينيسترى ءاليحان سمايىلوۆ ءوڭىردىڭ الەۋمەتتىك- ەكونوميكالىق دامۋ ماسەلەلەرى جونىندە كەڭەس وتكىزدى، دەپ حابارلايدى ق ر ۇكىمەتىنىڭ باسپا ءسوز قىزمەتى.

ۇكىمەت باسشىسى مەملەكەت باسشىسىنىڭ تاپسىرماسى بويىنشا قابىلدانعان ءوڭىردى دامىتۋدىڭ 2025 -جىلعا دەيىنگى كەشەندى جوسپارى اياسىندا ءبىرقاتار ماڭىزدى جوبالاردىڭ ىسكە اسىرىلاتىنىن اتاپ ءوتتى، بۇل جاڭا ونىمدەر شىعارۋعا، جۇمىس ورىندارىن قۇرىپ، وبلىس تۇرعىندارىنىڭ تۇرمىس- تىرشىلىگىن جاقسارتۋعا مۇمكىندىك بەرەدى. وبلىس باسشىلىعىنىڭ الدىندا تۇرعان ماڭىزدى مىندەت رەتىندە ۇكىمەت باسشىسى ازىق- تۇلىك باعاسىنىڭ ءوسۋىن تەجەۋ ماسەلەسىن اتادى.





«وبلىستا جىل باسىنان بەرى الەۋمەتتىك ماڭىزى بار ازىق- تۇلىك تاۋارلارىنىڭ باعاسى %16 عا ءوستى. باعانىڭ نەگىزسىز وسۋىنە جول بەرمەۋ ءۇشىن قولدا بار قۇرالداردى تولىعىمەن ءارى ءتيىمدى قولدانۋ ماڭىزدى»، — دەدى پرەمەر- مينيستر.

ءاليحان سمايىلوۆ وبلىس اكىمدىگى ساۋدا ۇستەمەسىنە باقىلاۋدى كۇشەيتۋى قاجەت ەكەنىن ايتتى. ۇكىمەت باسشىسى وڭىردەگى وزەكتى ماسەلە - جۇمىسسىزدىق، ونى شەشۋدىڭ نەگىزگى جولى ينۆەستيتسيا تارتۋ ەكەنىن ايتتى. بيىل مىڭنان استام جۇمىس ورنىن قۇرۋمەن 21 ينۆەستيتسيالىق جوبانى ىسكە قوسۋ جوسپارلانىپ وتىر.





كەڭەستى قورىتىندىلاي كەلە، پرەمەر- مينيستر ماڭعىستاۋ وبلىسىنىڭ ەلدى مەكەندەرىن گازداندىرۋ جانە سۋمەن جابدىقتاۋ ماسەلەلەرىنە قاتىستى ءبىرقاتار باسقا دا تاپسىرمالاردى اتاپ ءوتتى. ۇكىمەت باسشىسى فەرمەرلەردى مال ازىعىنىڭ قاجەتتى كولەمىمەن قامتاماسىز ەتۋ ماسەلەلەرىنە ەرەكشە نازار اۋداردى. وسىعان بايلانىستى اۋىل شارۋاشىلىعى مينيسترلىگى «قازاقستان تەمىر جولى» ۇ ك» ا ق- مەن جانە وبلىس اكىمدىگىمەن بىرلەسىپ، جەڭىلدىكتەردى ۇزارتۋ مەن جەم- ءشوپتى وڭىرلەرگە جەتكىزۋ بويىنشا تۇبەگەيلى شارالار قابىلداۋى قاجەت.






关键词: ايماق,
回到顶部