今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

توكيو-2020: جازعى وليمپيادانىڭ اشىلۋ سالتاناتى باستالدى

23 七月 2021 17:04

نۇر-سۇلتان. قازاقپارات - ءدال قازىر جاپونيا استاناسى توكيو قالاسىندا XXXII جازعى وليمپيادانىڭ اشىلۋ سالتاناتى باستالدى، دەپ حابارلايدى قازاقپارات ءتىلشىسى.

بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى. وليمپيادا باعدارلاماسىنا بەيسبول/سوفتبول، كاراتە، سەرفينگ، سپورتتىق قۇزعا ورمەلەۋ جانە سكەيتبوردينگ سەكىلدى سپورتتىڭ بەس ءتۇرى ەنگىزىلگەن.

الدىن الا مالىمەت بويىنشا ايتۋلى الامان باسەكەگە جۇمىر جەر بەتىندەگى 206 مەملەكەتتەن 11 مىڭنان استام سپورتشى قاتىسادى دەپ كۇتىلۋدە. جارىسقا قاتىسۋشىلاردىڭ تەڭ جارتىسىنا جۋىعى ايەلدەر بولماق. ۇيىمداستىرۋشىلار ونىڭ گەندەرلىك تەڭدىكتى بىلدىرەتىنىن ايتادى.

اتالعان شارانى ۇيىمداستىرۋعا جاۋاپتى مامانداردىڭ ايتۋىنشا، توكيو تورىندەگى ايتۋلى شارا ەلدىڭ ەسىندە يننوۆاتسيالىق وليمپيادا رەتىندە ەرەكشەلەنەتىن بولادى. قازاقستاندىق 97 سپورتشى كۇنشىعىس ەلىندە سپورتتىڭ 28 تۇرىنەن باق سىنايدى.

قازاقستان ۇلتتىق وليمپيادالىق كوميتەتى ايتۋلى الامانعا باراتىن ءتىزىمدى ناقتىلاۋ ماقساتىندا ىرىكتەۋ جانە رەيتينگتىك جارىستارى اياقتالعاننان كەيىن قورىتىندى شىعاردى.

توكيو تورىندە قازاقستان جالاۋىن قىزىلوردالىق بوكسشى قامشىبەك قوڭقابايەۆ پەن جەڭىل اتلەت ولگا رىپاكوۆا ۇستاپ شىعادى. بيىل وليمپيادا ءوزىنىڭ تاريحىندا 32-مارتە جالاۋىن جەلبىرەتەدى.

تۇڭعىش رەت 1896 -جىلى گرەكيا جەرىندە باستالعان ايتۋلى سپورت دوداسى سودان بەرى بارشا ادامزات بالاسىنىڭ قىزىعا تاماشالايتىن باسەكەسىنە اينالدى. الەم جۇرتشىلىعى ا ق ش- تى اتالعان سايىستى ەڭ كوپ ۇيىمداستىرىلعان ەل رەتىندە تانيدى. وندا 4 رەت جازعى جانە 4 رەت قىسقى وليمپيادا وتكىزىلگەن.

ال فرانسيا 2 جازعى، 3 قىسقى الاماننىڭ الاۋىن جاقتى. ودان كەيىنگى كەزەكتە ۇلى بريتانيا 3 رەت (3/0)، گەرمانيا 3 رەت (2/1)، جاپونيا، يتاليا، كانادا 3 رەت (1/2) وسىنداي سەنىمگە يە بولعان.

ەسكە سالا كەتسەك، بۇدان بۇرىن بۇدان بۇرىنعى جازعى وليمپيادالاردا قازاقستان تۋىن قانداي سپورتشىلار الىپ شىققانىن حابارلاعان ەدىك.

اۆتور: ءادىلجان ۇمبەت

关键词: الةم,
回到顶部