Погода
Астана 2 °С
Алматы 19 °С
Курс валют
USD 366.43
EUR 420.11
RUB 5.58
CNY 52.87

Прокурорлардың көмегімен мемлекетке 850 млн теңгенің мүлкі қайтарылды

11 Октября 2018 21:34 237

ТҮРКІСТАН. ҚазАқпарат - Түркістан облысында прокурорлар Түлкібас ауданындағы су жүйелерін жалға беру жұмыстарына тексеріс жүргізді, деп хабарлайды ҚазАқпарат тілшісі.

Тексеру нәтижесінде Кемербастау ауылдық округі мен Түлкібас кентінде бірқатар заңбұзушылықтар анықталып, мемлекетке 850 млн теңгенің мүлкі қайтарылды.

Облыстық прокуратураның баспасөз қызметінің хабарлауынша, ауылдық округ пен кент әкімдері аталған коммуналдық меншіктерді 2014 жылы «Ел ынтымағы» ЖШС-не жалға берген. Алайда бұл келісімшарттар «Мемлекеттік мүлік туралы» заң мен Су шаруашылығы құрылыстарын жалға және сенімгерлік басқаруға беру ережесіне қайшы келген. Яғни, әкімдер ашық тендерлер өткізбестен,  келсімшарттар жасасқан.

Аудан прокуратурасының ұсынысы бойынша заңсыз жасалған келісім-шарттар бұзылып, 850,6 млн  теңгенің мүлкі мемлекет меншігіне өтті. Себебі,  Кемербастау ауылдық округінің су құбыры жүйелерінің баланстық құны 205,5 млн, Түлкібас кентінің 645,1 млн теңге тұрады.

 

 

Автор: Айнұр Ақбаева
Ключевые слова: Түркістан облысы, Прокуратура,
Наверх