Погода
Астана -11 °С
Алматы -6 °С
Курс валют
USD 371.56
EUR 422.43
RUB 5.56
CNY 53.51

Алматыдағы ескі жарықтандыру бағандары қайда кетеді

12 Октября 2018 10:35 132

АЛМАТЫ. ҚазАқпарат - Алматы әкімі Бауыржан Байбек жұмыс сапары барысында қалалық жарықтандыру жүйесін ауыстыру қарқынымен танысты, деп хабарлайды ҚазАқпарат тілшісі. 

Биыл қайта жасалған Абай, Абылай хан, Назарбаев даңғылдарында 70-ке тарта ескі жарықтандыру бағаны сүріледі. Олардың орнына электр энергиясын жұмсауды 30 пайызға үнемдейтін жарық диодты жаңа бағандар орнатылады.

Ал барлық сүрілген бағандар Алатау ауданына орнатылады.

Атап айтқанда 195 баған бұрындары жарық болмаған Ақсай, Өтемісов көшелеріне ауыстырылды.

Жалпы алғанда жыл соңына дейін 24 мың жаңа шам орнатылып, ескі жүйенің 31,5% жаңарады.

266 шақырым жарықтандыру жүйесін жаңартуға жобалық сметалық құжаттама дайындалды.

Сонымен қатар, Алматыда 1400 аулада жаңа жарықтандыру жүйесі орнатылған.

Бұдан бөлек қаладағы сәулет нысандарын жарықпен әрлеу жаңа сипатқа ие бола бастады.

«Қазақстан» қонақ үйі, Орталық мәдениет және демалыс саябағы сияқты 130 нысан түрлі түстермен әрлене бастайды.

Айта кету керек, Елбасы биылғы Жолдауында қалалардың дамуы мен урбанизация мәселесіне ерекше назар аударған болатын.

Автор: Гүлмира Ғосманәли
Ключевые слова: Әкім, Алматы, Құрылыс,
Наверх