Aýa raıy
Astana 19 °S
Almaty 15 °S
valıýta baǵamy
USD 386.82
EUR 428.67
RUB 5.86
CNY 54.95

Jýrnalısterdi akkredıtatsııalaý tártibin ózgertemiz - Dáýren Abaev

2019 jyldyń 19 aqpan 2019 11:55 1369

ASTANA. QazAqparat - QR Aqparat jáne kommýnıkatsııalar mınıstri Dáýren Abaev jýrnalısterdi akkredıtatsııadan ótkizý jáne taqyryp boıynsha suraq qoıý máselesine qatysty pikir bildirdi, dep xabarlaıdy QazAqparat tilshisi.

Mınıstrdiń aıtýynsha, jýrnalıst naqty bir mamannyń quziretine jatatyn kez kelgen suraqty qoıýǵa quqyly. Biraq is-shara basqa taqyryp boıynsha ótýi múmkin. Al moderator sol taqyryp boıynsha suraq qoıýǵa talap etedi.

«Endi moderator aldyn ala taqyrypty jarııalap, tek soǵan qatysty suraq qoıýǵa ótinish jasaı alady. Onda turǵan eshteńe joq dep oılaımyn. Biraq is-sharadan keıin maman, ıa bolmasa sheneýnik óz quziretine jatatyn kez kelgen suraqqa jaýap berýge mindetti. Ol úshin jýrnalıstiń akkredıtatsııasyn eshkim alyp qoımaıdy. Akkredıtatsııa týraly erejelerde yńǵaısyz suraqtarǵa qatysty eshteńe jazylmaǵan», - dedi D.Abaev jýrnalısterge bergen suxbatynda.

Onyń sózine qaraǵanda, erejede yńǵaısyz suraqtarǵa qatysty eshteńe jazylmasa da, moderatordyń tártibi saqtalmaǵan jaǵdaıda jýrnalısti akkredıtatsııadan aıyrý máselesi bar.

«Biz ony alyp tastaıtyn shyǵarmyz. Sosyn akkredıtatsııadan ótken jýrnalısterdiń sanyna qatysty bir másele bar. Biz barlyq redaktsııalardy qamtýǵa tyrysamyz. Biraq keı basylymdar 5-7 jýrnalısti akkredıtatsııaǵa jiberedi. Sodan oryn jetpeı jatady. Ol jaǵyn da qarastyratyn bolamyz. Akkredıtatsııa úshin jýrnalıstiń kelisimshartyn kórsetý mindetin de alyp tastaımyz», - dep atap kórsetti D.Abaev.

Osy oraıda mınıstr jýrnalısterdi jazbasha usynys berýge úndedi. Atalǵan taqyrypty keńinen talqylaý úshin arnaıy jınalys ta ótkizýge kelisti. 

 

 

Joǵary qaraı