Awa rayı
Nur-Sultan 20 °S
Almatı 29 °S
valyuta bağamı
USD 384.05
EUR 432.79
RUB 5.96
CNY 55.46

«Joldağı qabıldawğa» qızılordalıqtardıñ denі quqıqtıq mäselemen jügіndі

2019 jıldıñ 19 mamır 2019 05:29 662

QIZILORDA. QazAqparat - Qızılorda oblısı awmağında  «Jolda qabıldaw» respwblïkalıq akcïyası öttі. Ekіkündіk şara barısında polïceyler turğındarmen kezdesіp, tüsіndіrw jumıstarın jürgіzdі. Bul twralı QazAqparat tіlşіsі Qızılorda oblıstıq Polïcïya departamentіnіñ baspasöz qızmetіne sіlteme jasap xabarlaydı.

Polïcïya bölіnіsterі basşılarınıñ turğındarmen jeke kezdeswіn qamtamasız etw maqsatında ötken bul akcïya oblıstıñ barlıq awdandarında jäne aymaq ortalığında tïіstі deñgeyde uyımdastırıldı.

Aldın ala belgіlengen orındarda «Jolda qabıldaw» jazwı bar avtobwstar ornalastırılıp, polïceyler mobïldіk qabıldaw jürgіze bastadı. Olar quqıqtıq keñes berіp, qajet bolğan jağdayda zañ turğısında kömek körsettі.

Ekі kün boyı Xalıqqa qızmet körsetw ortalığı, tіrkew-emtïxan bölіnіsterі, jol-texnïkalıq baqılaw jäne äkіmşіlіk praktïka mamandarı da jumıs іstedі. Şaqırılğan mamandardıñ barlığı öz salaları boyınşa qanday da bіr mäselemen kelgen azamattardıñ suraqtarına jan-jaqtı jawap berіp, keñ kölemdі keñester berdі.

Nätïjesіnde öñіr boyınşa 1 mıñğa jwıq turğın keñes aldı. Olardıñ köbіsі quqıqtıq mäseleler boyınşa jügіndі.

 

 

 

Joğarı qaray