Aýa raıy
Astana 16 °S
Almaty 11 °S
valıýta baǵamy
USD 386.82
EUR 428.67
RUB 5.86
CNY 54.95

Jol boıyndaǵy dárethanalardyń tazalyǵyna kim jaýapty bolady

2019 jyldyń 19 shilde 2019 14:03 252

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngte jol boıyndaǵy dárethanalardyń tazalyǵyna kim jaýapty ekeni aıtyldy, dep habarlaıdy QazAqparat tilshisi.

«QazAvtoJol» ulttyq kompanııasynyń strategııalyq josparlaý, bıznesti damytý jáne aqparattandyrý departamentiniń dırektory Rýstam Isaevtyń aıtýynsha, respýblıkalyq mańyzdaǵy joldardyń boıyndaǵy dárethanalardy tazalaýdyń óz tártibi bar.

«Respýblıkalyq joldardyń boıynda 880 jabdyqtalmaǵan dárethana bar. Onyń 469-y eshqandaı dámhana men qonaqıúge bekitilmegen. Mundaı dárethanalardy tazalaý «QazAvtoJol» JShS-niń merdiger uıymdaryna júktelgen. Dárethanalar ózi ornalasqan joldyń kólik aǵynyna baılanysty aptasyna bir retten 5 retke deıin tazalanyp otyrýy tıis», - deıdi ulttyq kompanııa ókili.

Rýstam Isaev jol boıyndaǵy dárethanalar týraly aqparat beretin mobıldik qosymsha daıyndalyp jatqanyn aıtady.

«Jol boıyndaǵy servıs núkteleri týraly mobıldi qosymsha iske qosylatyn bolady. Uıaly telefonǵa júkteý arqyly baratyn jolyńyzdyń qaı bóliginde jabdyqtalǵan dárethana bar ekenin, ulttyq standartqa saı qansha dámhana bar ekenin bilýge bolady. Osy qosymshaǵa jol boıyndaǵy servıske qatysty keleńsizdikter men syn-eskertýlerdi de qaldyrýǵa bolady. Bul aqparattar jınaqtalyp, odan nátıje shyǵarylatyn bolady», - deıdi ol.

Aıta ketsek, atalǵan brıfıngte jol boıynda taza ári jaıly dárethanasy joq servıster súrilýi múmkin ekeni habarlandy.


Avtor Esimjan Naqtybaı
Basty sózder: Kólik, Qoǵam,
Joǵary qaraı