Aýa raıy
Astana 16 °S
Almaty 24 °S
valıýta baǵamy
USD 384.87
EUR 432.52
RUB 6.11
CNY 55.95

Jol apatynda eki aıaǵynan aırylǵan Parafıeva: Endigi maqsatym aıaǵyma nyq turý

2019 jyldyń 17 maýsym 2019 10:13 2061

ALMATY. QazAqparat - Jol apatynan eki aıaǵynan aırylǵan almatylyq kelinshek  Ekaterına Parafıeva Germanııaǵa qonys aýdardy, dep habarlaıdy QazAqparat tilshisi.  

Kelinshek facebook-tegi paraqshasynda nege Germanııaǵa ketýge bel býǵanyn túsindirdi.

«Meniń ómirimdi ózgertken kún... Bul oqıǵa meniń ózime degen senimdiligimdi arttyrdy!

2 jyl ótti. Maǵan eki jyl buryn bireý osylaı isteı alasyń dese, sener me edim?! Seniń bolashaǵyń túbegeıli ózgeredi dese, basqa elge kóship ketesiń dese senbes edim. Men sonshama kúsh-jigerdi qaıdan alar edim?! Endi jaýabyn bilemin, adamnyń múmkindigi sheksiz. Barlyq kedergiler basymyzda. Adam óziniń nege qabiletti ekenin múlde bilmeıdi», - dedi Ekaterına Parafıeva.

E.Parafıeva «ne úshin kóshpeksiń» degen saýalǵa aıaǵymnan nyq turýym úshin dep jaýap bergen.

Onyń aıtýynsha, qazir qyzy ekeýi Mangeım qalasynda júr.  

Eske sala keteıik, E. Parafıeva 16 maýsymda Almaty qalasyndaǵy ál-Farabı dańǵylynda bolǵan jol apatynan japa shekken bolatyn. Honda CRV kóligin tizgindegen qyzdar ashyq lıýkke kirip ketip, kólik dóńgelegin jaryp alǵan. Sodan jol shetine toqtap, syrtqa shyǵyp, kólikterin qarap jatqan kezde ortańǵy jolaqta kele jatqan Toyota Camry mashınasyn avtobýs soqqan. Qatty soqqydan Toyota Camry aınalyp, artqy jaǵymen Honda CRV kóligin urǵan. Sonyń saldarynan qyzdar ortada qysylyp qalyp, bireýi eki aıaǵynan aıyryldy.

Jarty jylǵa sozylǵan sot protsesinde avtobýs júrgizýshisi Dáýren Jańabaevtyń 2 jylǵa bas bostandyǵy shekteldi.

Sonymen qatar, Jańabaev jábirlenýshige 2 mln teńge kóleminde moraldyq shyǵyn tóleýge mindetteldi.

 

 

 

 

 

 

 

Avtor Gúlmıra Ǵosmanálı
Basty sózder: Almaty, Oqıǵa,
Joǵary qaraı