Aýa raıy
Astana 0 °S
Almaty 21 °S
valıýta baǵamy
USD 389.52
EUR 429.21
RUB 6.07
CNY 54.94

Jetisýda Úndistan, Qytaı, Qazaqstan stýdentteri arbamen jarysyp jatyr

2019 jyldyń 20 qyrkúıek 2019 21:29

TALDYQORǴAN.QazAqparat - Almaty oblysy Kegen aýdanyndaǵy Qarqara jaılaýynda arba báıgesi bastaldy. Baıqaý Tuńǵysh Prezıdentimizdiń «Bolashaqqa baǵdar: Rýhanı jańǵyrý» maqalasy aıasynda uıymdastyrylǵan, dep habarlaıdy QazAqparat tilshisi.

On bes kúnge sozylatyn sharaǵa Úndistan, Qytaı, Ózbekstan jáne Qazaqstan sııaqty elderdegi halyqaralyq ýnıversıtet stýdentteri qatysyp, eki dóńgelekti at arbamen jarysqa túsedi. Sondaı-aq, jarys barysynda komandalar lagerlerdi óz betinshe ornatyp, onda naǵyz kóshpendilerdiń turmysyn uıymdastyrady.

«Baıqaý maqsaty - Qazaqstanda jastarǵa arnalǵan jańa ulttyq sporttyq, týrıstik jáne mádenı hobbı qurý. Uly Jibek jolynyń kerýen stılindegi qazaqtardyń ejelgi kóshpeli tehnologııalaryn paıdalana otyryp, Almaty oblysynyń tabıǵatyna saıahat jasaýdy kózdeıdi. Sonymen qatar, baıqaý qazirgi jastardyń ıntellektýaldy, kóshbasshylyq jáne komandalyq qasıetterin kórsetip, Jibek joly elderiniń stýdentteri arasyndaǵy mádenı almasýǵa negiz bolady»,-deıdi Almaty oblysynyń ishki saıasat basqarmasynyń basshysy Rýstam Álıuly.

Aıta keteıik, eki saıys túrinen ótetin komandalyq jarystyń qorytyndysy 25 qyrkúıek kúni shyǵarylyp, jeńimpazdar arnaıy kýbokqa ıe bolady.

Joǵary qaraı