Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

Jetisý ánderiniń antologııasy jaryqqa shyqty

2019 jyldyń 23 mamyr 2019 10:46

TALDYQORǴAN. QazAqparat - «Rýhanı jańǵyrý» baǵdarlamasy aıasynda «Jetisý óńiriniń halyq jáne halyq kompozıtorlary ánderiniń antologııasy» jınaǵy jaryqqa shyqty, dep habarlaıdy QazAqparat tilshisi. Jınaq Mádenıet jáne óner qyzmetkerleriniń kúnine oraı Taldyqorǵan qalasynda ótkizilgen saltanatty sharada tanystyryldy.

Atap ótsek, «Jetisý óńiriniń halyq jáne halyq kompozıtorlary ánderiniń antologııasy» jınaǵyna jalpy sany 250-ge jýyq án kirgen. Kitap qazaq halqynyń ǵuryptyq ánderi, halyq ánderi, halyq kompozıtorlarynyń ánderi deıtin 3 bólimnen turady. Jınaqtyń taǵy bir ereksheligi - kitapqa engen barlyq ánder jazylǵan CD-dıskiler qosa tirkelgen. «Jetisý óńiriniń halyq jáne halyq kompozıtorlary ánderiniń antologııasy» kitabyn basyp shyǵarýǵa jergilikti bıýdjetten 5 mln teńge bólingen. Onyń tırajyn 150 dana shyǵarý josparlanyp otyr.

Jalpy «Jetisý kitaphanasy» 100 tomdyǵy serııasynyń aıasynda ótken jyly 20 avtordyń kitaby jaryqqa shyqsa, bıylǵy jyly 40 týyndy basylady dep josparlanǵan, sonyń 20-sy - jas aqyndardyń jınaǵy. Sol sııaqty «Mádenı eskertkishter entsıklopedııasy» 2 tomdyq kitaby da bar.

Joǵary qaraı