Aýa raıy
Astana 5 °S
Almaty 1 °S
valıýta baǵamy
USD 388.96
EUR 432.21
RUB 6.09
CNY 54.99

Jeltoqsanda Almatyda aralas jekpe-jekten álem chempıonaty ótkiziledi

2018 jyldyń 18 qarasha 2018 13:35

ALMATY. QazAqparat - 21 jeltoqsanda Almaty qalasynda MMA «TITAN FC 51» aralas jekpe-jekten álem chempıonaty ótkiziledi, dep habarlaıdy QazAqparat.

Uıymdastyrýshylardyń habarlaýynsha, týrnır aıasynda birneshe jekpe-jek ótkiziledi, onyń ekeýi «TITAN FC» tujyrymy boıynsha Álem chempıondarynyń belbeýi sarapqa salynady. Jarysta Qazaqstannnyń jekpe-jek sheberleri AQSh, Brazılııa, Kýba, Kanada jáne taǵy basqa alpaýyt memleketterden kelgen áıgili sportshylarmen kúsh synasady. Elimizdiń namysyn 15 sportshy qorǵaıdy.

Atalǵan is-sharany AQSh-tyń «UFC FIGHT PASS» kanaly álemniń 150 eline tikeleı efırden taratady. Sonymen qatar Qazaqstan men TMD-nyń jergilikti arnalarynda tikeleı efırden kórsetiledi.

Uıymdastyrýshylardyń málim etýinshe, shet elde bul sport túri óte qarqyndy damyǵan. Máselen UFC tujyrymy fýtbol men boks sııaqty sport túrleriniń qaralym reıtıngterimen básekege túsýde.

Almaty qalasynyń ákimdiginiń qoldaýymen ótetin chempıonattyń uıymdastyrýshylary aralas jekpe-jekten halyqaralyq TITAN FC uıymy jáne ALEMFIGHTERS klýby. Týrnırdiń qurmetti qonaqtary UFC-diń tanymal chempıondary, sondaı-aq Qazaqstan Respýblıkasynyń qoǵamdyq jáne saıası qaıratkerleri, sport jáne shoý-bıznes juldyzdary bolmaq.

«Týrnır maqsaty - halyqaralyq deńgeıdegi jarystar uıymdastyra otyryp jastardyń sportqa qyzyǵýshylyǵyn týdyrý jáne TITAN FC tujyrymy arqyly UFC-ge qazaq sportshylaryn kirgizý», - delingen habarlamada.

Basty sózder: Almaty, Sport,
Joǵary qaraı