Awa rayı
Astana -8 °S
Almatı -17 °S
valyuta bağamı
USD 374.20
EUR 420.34
RUB 5.52
CNY 53.78

Jazıqsız türmede otırğan jіgіt aqtalıp şıqtı

2018 jıldıñ 19 qazan 2018 12:39 840

ASTANA. QazAqparat - Sot üş jıl burın päter urlığı boyınşa zañsız sottalıp ketken jіgіttі aqtap aldı. Bul twralı QR Joğarğı sotınıñ baspasöz qızmetіnіñ basşısı Bolat Kalyanbekov ayttı, dep xabarlaydı QazAqparat.

Bolat Kalyanbekovtıñ jazwınşa, 2015 jılı Dastan Mırzaqulov päterdі tonaw jäne adamdar tobımen aldın ala söz baylasıp urlıq jasaw qılmısı boyınşa kіnälі dep tanılıp, mülkі tärkіlenіp, üş jarım jılğa bas bostandığınan ayırılğan. Alayda kassacïyalıq sot Mırzaqulovtı äreketterіnde qılmıstıq quramnıñ bolmawına baylanıstı aqtap alğan.

«Kassacïya kelesі negіzderge süyenіp otır. Naqtıraq aytqanda, sotqa deyіngі tergew amaldarı barısında Mızaqulovqa psïxïkalıq jäne fïzïkalıq turğıda qısım körsetіlgen. Ekіnşіden, tergew organdarınıñ materïaldarı men ayıptaw qujatında, sot ükіmіnde kwägerlerdіñ, jäbіrlenwşі men sottalwşınıñ jawaptarına kelgende aytarlıqtay ayırmaşılıq barı anıqtalğan. Osılayşa, Mırzaqulovtıñ іstі moyındağanı twralı jawabında qılmıs 2015 jıldıñ 17 nawrızında üydіñ ekіnşі qabatında bolğanı jazıladı. Onıñ aytwınşa, altın buyımdar men aqşanı bіr qoraptan alıp ketken. Al oqïğa ornın tekserw kezіndegі xattama men urlıqtıñ bolğanı twralı arızda qılmıstıñ 2015 jıldıñ 16 nawrızında 8 qabatta tіrkelgenі jazıladı. Oğan qosa jäbіrlenwşіnіñ tüsіnіktemesіne säykes qundı zattar men aqşa ärtürlі tüstegі ärtürlі sömkelerde bolğan», - delіngen xabarlamada.

Mırzaqulovtıñ jawabına säykes ol aqşanı teñge küyіnde urlağan. Al jäbіrlenwşі tarap  qarajattıñ AQŞ dolları küyіnde urlağanın jazıp bergen.

«Urlıq jasalğan jerden 11 adamnıñ sawsaq іzderі anıqtalğan. Olardıñ bärі de sottalwşınıñ sawsaq іzderіmen säykes kelmegen. Sonımen qatar, sottalwşığa quqığı men mіndettemelerі twralı tüsіnіkteme jumıstarı jürgіzіlmegen. Ayıptaw tek sot öndіrіsіnіñ tіlіn bіlmegen bіr adamnıñ ğana jawabına süyene salğan. Eñ qızığı, küdіktіnі tanw procesі barısında älgі kwägerge tek bіr adam ğana körsetіlgen», - dep jazadı Kalyanbekov özіnіñ Feysbwk paraqşasında.

Mırzaqulov qılmıstıq іstі jürgіzіp otırğan organdardıñ zañsız äreketіnen özіne keltіrіlgen zalaldı öndіrwge quqılı.    

 

 

Avtor: Ayan Bekenulı
Bastı sözder: QR Joğarğı sotı, Qoğam,
Joğarı qaray