Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

Jazǵy demalys: Eki balany ushaqpen tegin alyp júrýge bolady

2019 jyldyń 21 mamyr 2019 12:10

NUR-SULTAN. QazAqparat - Mádenıet jáne sport mınıstri Arystanbek Muhamedıuly jazǵy demalys kezinde balalarǵa tegin áýe sapary qalaı jolǵa qoıylǵaly otyrǵanyn málim etti, dep habarlaıdy QazAqparat tilshisi.

«Biz qazirgi ýaqytta osy baǵyttaǵy memlekettik baǵdarlamany engizip jatyrmyz. Sodan keıin onyń bekitilýin kútip, týrıstik baǵyttaǵy zańǵa engizemiz. Bul óte paıdaly jumys. Máselen, eger bul zań kúshine ense, áýe saparyna shyqqan bir adam ózi úshin bıletke tólep, 15 jasqa deıingi eki balasyn tegin apara alar edi», - deıdi Arystanbek Muhamedıuly Úkimet otyrysynan keıin tilshilerdiń suraǵyna jaýap bere otyryp.

Sonymen qatar, ol óz sózinde bul ózgerister tek el ishindegi reısterge qatysty ekenin atap ótti.

«Bizdiń otandastarymyz shetelge demalýǵa ushyp ketpeýi úshin osy jumysty qolǵa alyp jatyrmyz. Sonda ǵana aqshamyz el ishinde qalar edi. Shartty túrde aıtqanda biz 1 teńge jumsap, 6,5 teńgeni únemdep qalar edik», - deıdi mınıstr.

Eske sala ketsek, Arystanbek Muhamedıuly búgingi Úkimet otyrysynda «1+2» shemasymen (bir ata-ana úshin eki bala) «KIDS GO FREE» qaǵıdaty boıynsha balalarǵa arnalǵan tegin avıamarshrýttardy sýbsıdııalaý josparlanyp otyrǵanyn habarlaǵan edi.

Joǵary qaraı