Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

ZhasProject: Áleýmettik joba usynǵan jastarǵa 1 mln teńgeden beriledi

2019 jyldyń 5 naýryz 2019 14:04

ASTANA. QazAqparat - 14-29 jas aralyǵyndaǵy qazaqstandyqtar Jastar korpýsyn damytý jobasynyń baıqaýyna qatysyp, 1 mıllıon teńgeden ala alady, dep habarlaıdy QazAqparat tilshisi.

QR Bilim jáne ǵylym mınıstrligi men Halyqaralyq qaıta qurý jáne damý bankiniń 2017 jyly bastalǵan jobasy 2019 jyldyń sońyna deıin Qazaqstannyń 4 oblysy men 2 qalasynda jalǵasady.

«Bıyl Jastar korpýsyn damytý jobasynyń úshinshi kezeńi bastalady. Bul jobaǵa sońǵy jyldary 5,5 myńǵa deıin jas azamattar qatysqan, olar 1616 áleýmettik jobany iske asyrdy. ıAǵnı, Jastar jyly aıasynda bıyl Qazaqstannyń Aqmola, Atyraý, BQO, Mańǵystaý oblystary men Astana jáne Almaty qalalarynda osy joba jalǵasady. Atalǵan aımaqtarda 3500 jas talapker men 1100-ge jýyq áleýmettik-kásipkerlik joba qarjylandyrylady dep josparlanyp otyr. Ár jobaǵa 1 mıllıon teńge bólinedi dep kózdelgen», - dedi QR Bilim jáne ǵylym mınıstrliginiń jaýapty hatshysy Aryn Órsarıev Ortalyq kommýnıkatsııalar qyzmetinde ótken baspasóz máslıhatynda.

Óz kezeginde QR BǴM Jastar korpýsyn damytý jobasynyń Úılestirý agenttiginiń basshysy Vera Kım baıqaý erejelerin túsindirip berdi.

«Ótinimder Jastar korpýsyn damytý jobasynyń resmı saıtynda 15 naýryz ben 15 sáýir aralyǵynda qabyldanady. Munda atalǵan óńirlerde turatyn, 14-29 jas aralyǵyndaǵy jastardyń áleýmettik joba-ıdeıalary qabyldanady. Oqymaıtyn jáne jumys istemeıtin nemese jumys isteıtin, biraq tabysy tómen jastarǵa basymdyq beriledi. Eger qatysýshylar óz tańdaýyna, ıdeıasyna senimdi bolmasa, nemese bıznes-joba jazýdy, bıýdjetin belgileýdi bilmese biz aýdan ortalyqtaryna baryp, semınarlar ótkizemiz», - dedi ol.

Jobanyń barlyq qatysýshylary qajetti daǵdylar men jobalardy basqarý baǵdarlamasy boıynsha úsh kezeńdik oqytýdan ótedi, alty aı boıy óz áleýmettik jobalaryn tegin iske asyrady jáne aı saıynǵy shákirtaqylardy: JOO túlekteri - 60 000 teńge, orta nemese kolledjdik bilimi bar qatysýshylar 40 000 teńge alady.

«Jastar óz áleýmettik jobalary arqyly ózderine ǵana emes, qoǵamǵa paıda tıgizetinin sezinýi tıis. Joba boıynsha alty aımaqta resmı óńirlik keńseler ashyldy. Jastar keńsege kelip, tegin konsýltatsııa ala alady. Ár jobaǵa bir mentordan taǵaıyndalady, olar jastarǵa baǵyt-baǵdar berip, qadaǵalap otyrady. 1 mln teńge - qaıtarymsyz granttar, joba kezinde alynǵan qural-jabdyqtar jastardyń ózinde qalady», - dep túsindirdi Vera Kım.

Joǵary qaraı