Aýa raıy
Astana 16 °S
Almaty 11 °S
valıýta baǵamy
USD 386.82
EUR 428.67
RUB 5.86
CNY 54.95

Jarty jylda 850 adam kólik apatynan kóz jumǵan

2019 jyldyń 16 shilde 2019 18:56 214

NUR-SULTAN. QazAqparat - 2019 jyldyń alty aıynda 7 093 kólik apaty tirkelip, 850 adam qaza tapqan, dep habarlaıdy QazAqparat tilshisi.

QR ІІM ákimshilik polıtsııa komıteti tóraǵasynyń orynbasary Álibek Kenisbaevtyń aıtýynsha, jarty jyldyń ishinde 9 425 adam kólik apatynan jaraqat alǵan. Bul týraly ol ortalyq kommýnıkatsııalar qyzmetiniń brıfıngte málimdedi.

«Ótken jartyjyldyqtarmen salystyrǵanda jol-kólik oqıǵalarynyń sany 5 paıyzǵa artqan. Al qaza tapqandar sany 8 paıyzǵa kóp. Jol qozǵalysynyń apattylyq deńgeıin turaqtandyrý maqsatynda joldarda baqylaý kúsheıtildi. Jyl basynan beri polıtsııa qyzmetkerleri jol erejesin buzǵan 2,8 mln adamdy ustady. Onyń 103,5 myńy ákimshilik jaýapkershilikke tartyldy. 17,6 myń júrgizýshi kólik aıdaý quqyǵynan aıyryldy, 1 742 adam ákimshilik qamaýǵa alyndy», - dedi Álibek Kenisbaev.

Eske salsaq, atalmysh brıfıngte Respýblıkalyq joldarda jyldamdyq tirkeıtin avtomatty júıe ornatylatyny aıtylǵan bolatyn. 

Al shetelden ákelingen kólikter Qazaqstan aýmaǵynda onlaın tirkelýi múmkin.





Avtor Esimjan Naqtybaı
Basty sózder: Oqıǵa, QR ІІM, Kólik,
Joǵary qaraı