Aýa raıy
Astana 5 °S
Almaty 7 °S
valıýta baǵamy
USD 389.81
EUR 430.27
RUB 6.06
CNY 54.91

Jarkenttegi óner mektebine Dánesh Raqyshevtyń esimi berildi

2019 jyldyń 23 mamyr 2019 11:14

JARKENT. QazAqparat - Almaty oblysy Panfılov aýdanynyń ortalyǵy - Jarkent qalasyndaǵy Óner mektebine Qazaqstannyń halyq ártisi Dánesh Raqyshevtyń esimi berildi.

Saltanatty sharada Panfılov aýdanynyń ákimi Temirlan Bektasov kópshilikke quttyqtaý tilegin joldap, óner mektebi qabyrǵasyndaǵy Dánesh Raqyshevtyń esimi jazylǵan taqtaıshany saltanatty túrde ashty.

Budan soń QR Memlekettik syılyǵynyń ıegeri, halyqaralyq «Alash» syılyǵynyń laýreaty, jazýshy, tarıhshy, Beksultan Nurjekeuly sóz alyp, Dánesh Raqyshevtyń ómir joldarynan qundy estelikterimen bólisti.

Saltanatty shara Jarkenttegi mádenıet úıinde «Uly dalanyń jeti qyry: Týǵan jer. Ólketaný. Tarıh. Mádenıet» atty oblystyq ǵylymı-tájirıbelik konferentsııaǵa ulasty. Konferentsııanyń maqsaty - jahandaný dáýirinde ulttyq mádenıettiń jetistikterin joǵaltpaý, sonymen qatar, ulttyq mádenıetti damytý jáne ony nasıhattaý, týǵan ólkeniń tarıhyna úńilý, qundy derekter men materıaldardy jınaqtap júıeleý. Onda qatysýshylar týǵan ólke tarıhyn taný, tarıhı jádigerlerdi saqtaý, keleshek urpaqqa jetkizý joldaryn qarastyrý sekildi ózekti máselelerdi kóterdi. Jarkent qalasynan tarıh jáne ólketaný murajaıyn ashý týraly usynystar aıtyldy.

Elbasynyń Rýhanı jańǵyrý baǵdarlamasy aıasynda ótkizilgen konferentsııada aýdannyń tarıhy men tulǵalary ǵumyrynan syr shertilip, baıandamashylar qundy aqparattarymen bólisti.

Aıta keteıik, kózi tirisinde-aq «Jetisýdiń bulbuly» atanǵan Qazaqstannyń halyq ártisi Dánesh Raqyshevtyń «Shattyq tolqyny», «Jas qaırat», «Jer sulýy Jetisý», «Saıasynda almanyń», «Jeńeshe» sekildi ánderi kópshilikke tanymal.

Avtor Nurádil Begimbet
Basty sózder: Óner, Almaty oblysy,
Joǵary qaraı