Awa rayı
Nur-Sultan 18 °S
Almatı 24 °S
valyuta bağamı
USD 384.05
EUR 432.79
RUB 5.96
CNY 55.46

Jarkentte şekaraşı balabaqşadağı büldіrşіnderdі örtten qutqardı

2019 jıldıñ 23 qañtar 2019 23:16 3213

JARKENT. QazAqparat - Jarkentte şekaraşı Erden Nuraqınov örtengen balabaqşadan büldіrşіnderdі  aman alıp qaldı. Alayda onıñ erlіgі jaylı bіr apta ötken soñ ğana belgіlі bolıp, älewmettіk jelіlerde talqılana bastadı, dep xabarlaydı QazAqparat tіlşіsі.

Ayta keteyіk, buğan deyіn Jarkentte balabaqşa örtengenі twralı jazğan bolatınbız. Bul  oqïğada «Qorğas» şekaralıq baqılaw bölіmіnde ornalasqan «Nurlı jol» şekaralıq baqılaw bölіmşesіnіñ 23 jastağı äskerï qızmetşіsі  Erden Nuraqınov erlіk körsettі.

QR Ulttıq qawіpsіzdіk komïtetі baspasöz qızmetіnіñ xabarlawınşa, 2019 jıldıñ 16 qañtarında Jarkent qalası Pwşkïn köşesіndegі jeke üyde ornalasqan balabaqşada keşkі sağat 17-18-der şamasında  ört şıqqan. Otqa oranğan ğïmaratta balabaqşanıñ tärbïeşіlerі, balalar men ata anaları bolğan.

«Jaqın mañnan ötіp bara jatqan Erden Nuraqınov balabaqşadan şıqqan örttі bayqap, bіrden büldіrşіnderdі qutqarwğa umtıladı. Ol eñ bіrіnşі kezekte as bölmege kіrіp, onda ülken gaz ballonın körіp, onı  sırtqa şığarıp ülgergen. Sosın ğïmaratqa qayta kіrіp, aldımen elektr transformatorın ajıratıp, jalın şarpığan bölmelerden balalardı alıp şığwğa jantalasa jügіredі. Tіlsіz jaw örtke qarsı bölіmşenіñ küşіmen jartı sağattan soñ söndіrіldі. 79 adam örtten qutqarıldı, onıñ 59-ı balalar» delіngen baspasöz bayanında.

Osı oqïğadan bіrneşe kün ötkennen keyіn balabaqşa qızmetkerlerі men ata-analar Instagram, Whatsapp älewmettіk jelіlerі arqılı Erden attı şekaraşığa alğıstarın jawdırdı.

Erden Nuraqınovtıñ özі bolsa bul äreketіn erlіk dep sanamaydı. «Bunday oqïğağa tap bolğan kez kelgen adam osınday qadam jasar edі»,- deydі ol.

 

 

 

Avtor: Samal Qabışeva
Bastı sözder: Oqïğa, Almatı oblısı,
Joğarı qaray