Awa rayı
Nur-Sultan 6 °S
Almatı 21 °S
valyuta bağamı
USD 378.90
EUR 422.74
RUB 5.87
CNY 54.80

Jansaya Äbdіmälіk AQŞ-tağı bedeldі şaxmat twrnïrіne şaqırtw aldı

2019 jıldıñ 18 qañtar 2019 15:12 684

ALMATI. QazAqparat - «Saint Louis Chess Club» Jansaya Äbdіmälіktі «Cairns Cup 2019» äyelder twrnïrіne qatıswğa şaqırdı. 

Uyımdastırwşılar jasınan tıs älemdegі üzdіk 10 şaxmatşını tañdap, AQŞ-qa jeke şaqırıp otır, dep xabarlaydı «QazAqparat» XAA tіlşіsі.

Jas şaxmatşınıñ aytwınşa, bul kütpegen oqïğa boldı.

«Şını kerek, osı twrnïrge şaqırtw alamın dep kütpep edіm. «Saint Louis Chess Club» tujırımı boyınşa älemnіñ üzdіk on şaxmatşısınıñ qatarına kіrіp, onda Qazaqstannıñ namısın qorğaw ülken jawapkerşіlіk», - deydі Jansaya.

«Cairns Cup 2019» twrnïrі alğaş ret ötkіzіlgelі otır, aldağı waqıtta ol dästürlі twrnïrler qatarına qosıladı. Partïyalar 2 aqpan künі Mïsswrï ştatınıñ Sent-Lwïs qalasındağı äygіlі Chess Club klwbında bastaladı. Sportşılar onda aynalım jüyesі boyınşa upay jïnaydı.

«Bul eñ joğarı deñgeydegі jarıs bolmaq. Jansaya oğan Qazaqstan atınan qatısatın bіrden-bіr sportşı ärі twrnïrdіñ eñ jas qatıswşısı.  Degenmen onıñ älem çempïonattarındağı oyındarı Jansayanıñ täjіrïbelі qarsılastarınan qaymıqpaytının talay ret körsettі», - deydі Qazaqstannıñ Şaxmat federacïyasınıñ atqarwşı dïrektorı Ïrïna Grïşenko.

Ayta keteyіk, twrnïrdіñ jülde qorı 150 mıñ dollar. Bul äyelder arasındağı aynalım jüyesіnde ötetіn jarıstar tarïxında burın-soñdı bolıp körmegen soma. Bіr erekşelіgі, oğan qatıswşılardıñ eşqaysısı da sıyaqısız qaytpaydı. Bіrіnşі orınğa 40 mıñ dollar, al onınşı orınğa 5 mıñ dollar tіgіlgen.

Eske sala keteyіk, Jansaya Äbdіmälіk şaxmattıñ barlıq türіnen 20 jasqa deyіngіler arasında älem reytïngіnde köş bastap tur.

Bastı sözder: Sport, Qoğam,
Joğarı qaray