Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Jankúıerler Sochı áýejaıynda Dımashty gúldiń astynda qaldyrdy

2019 jyldyń 18 qazan 2019 01:33

COChI. QazAqparat – Reseıdiń Sochı qalasyna ushyp kelgen qazaqstandyq ánshi Dımash Qudaıbergendi jankúıerleri áýejaıdan gúldermen jáne dý qol shapalaqpen qarsy aldy, dep habarlaıdy QazAqparat.

Ánshiniń Instagram-daǵy fan-akkaýnty áýejaıǵa reseılik, qytaılyq, tipti amerıkalyq jankúıerler jınalǵanyn jazdy. «Barlyǵy erteńgi kontsertti taǵatsyzdana kútedi», - delingen onda.




Foto jáne vıdeokadrlardan jınalǵan jurt qazaqstandyq ártisti gúlderdiń astynda qaldyrǵanyn kórýge bolady. Bir shoq gúlin tartý etken fanattardyń biri olardy óziniń baǵynda ósirgenin aıtyp ótti.

Aıta keteıik, 18 qazan kúni Sochı qalasynda WOW-arena jańa kontserttik, oıyn-saýyq alańy ashylady. Dımash Qudaıbergen nysannyń ashylý saltanatyna oraı jeke kontsertin ótkizedi. Al 19 qazanda munda aralas jekpe-jekten Fight Nights Global-dyń tıtýldyq aıqasy ótedi. Alańda Alı Bagaýtınov pen Jalǵas Jumaǵulov kúsh synasady.

«Bul alań túrli kontserttik, sporttyq sharalardyń ótkizilýine arnalǵan. Munda arnaıy qonaq retinde shaqyrylyp otyrmyn. 18 qazan kúni kontsertke kelińizder», - dedi ánshi arnaıy túsirilgen vıdeoda.

Aıta keteıik, D. Qudaıbergen qarasha aıynda Japonııa astanasy Tokıoda ótetin ABU TV Song festıvalinde óner kórsetedi. Sondaı-aq QR Mádenıet jáne sport mınıstrliginiń uıymdastyrýymen 10 jeltoqsanda Nıý-Iorkte (AQSh) «Arnau tour ENVOY» jeke kontsertin beredi. Taıaýda kontserttiń promorolıgi jarııalandy.







Joǵary qaraı