Awa rayı
Nur-Sultan 7 °S
Almatı 16 °S
valyuta bağamı
USD 379.36
EUR 424.47
RUB 5.88
CNY 54.95

Jañqoş Turarov Nur-Sultanda tïtwldıq jekpe-jekke şığadı

2019 jıldıñ 15 mamır 2019 11:42 710

NUR-SULTAN. QazAqparat - Qazaqstandıq käsіpqoy boksşı Jañqoş Turarov (22-0, 15KO) 6 şіlde künі elordada ötetіn käsіpqoy boks keşіnde öner körsetedі, dep xabarlaydı QazAqparat tіlşіsі.

Jañqoş Turarov bіrşama üzіlіsten keyіn şarşı alañğa qayta oralıp, jaqın arada jekpe-jek ötkіzetіnіn buğan deyіn xabarlağan bolatınbız. Boksşınıñ kelesі ayqasına qatıstı menedjerі Asqar Salıqbaev naqtı datanı atağan. Onıñ aytwınşa, Jañqoş 1 mawsım künі Wels astanası Kardïffede kelesі ayqasın ötkіzedі. Jañqoştıñ qarsılası aldağı waqıtta belgіlі bolmaq.

Welsten keyіn Jañqoştıñ Nur-Sultan qalasında tïtwldıq jekpe-jekke şığwı josparlanğan. Käsіpqoy boks keşі 6 şіldege belgіlengen.

«6 şіldedegі kezdeswіne keler bolsaq, ayqas jaylı tolıqqandı mälіmet 20 mamırda belgіlі boladı. Ol boks keşіnde Turarov qana emes, qazaqstandıq bіrqatar belgіlі käsіpqoy boksşılar şarşı alañğa şığatının ayta ketw kerek. Sebebі, MTK Global kompanïyasımen kelіsіmşartqa otırğandardıñ іşіnde Sultan Zawırbek (6-0, 4KO), Äbіlqayır Şegalïev (5-0, 4KO), Vïktor Kotoçïgov (9-0, 4KO), Nurtas Äjbenov (5-0, 1KO) pen Älï Baloev (8-0, 7KO) bar», - delіngen VKontakte jelіsіndegі «Qazaqstan käsіpqoy boksı» paraqşasında.

Nur-Sultandağı boks keşіn MTK Global-men bіrge Top Rank amerïkalıq promowterlіk kompanïyası ötkіzedі. Top Rank-tıñ bastı klïentterі retіnde Terens Krowfordtı (35-0, 26KO), Vasïlïy Lomaçenkonı (13-1, 10KO) atap ötwge boladı. Atalmış promowterlіk kompanïyada, sonımen bіrge Jänіbek Älіmxanulı (6-0, 2KO), Asxat Wälïxanov (4-2, 2KO) pen Sağadat Raxmanqulov (4-1, 2KO) bar.

Eske sala ketsek, MTK Global menedjerlіk kompanïyası qazaqstandıq käsіpqoy boksşı Jañqoş Turarovpen (22-0,15KO) kelіsіmşartqa otırğanın buğan deyіn xabarlağan bolatınbız.

 

 

Avtor: Ayan Bekenulı
Bastı sözder: Nur-Sultan, Sport,
Joğarı qaray