Aýa raıy
Astana 16 °S
Almaty 17 °S
valıýta baǵamy
USD 386.70
EUR 427.15
RUB 6.06
CNY 54.57

Janqosh Turarov qomaqty gonorary bar kelisimshart úshin álemdik týrnırge qatysady

2019 jyldyń 13 tamyz 2019 23:43

NUR-SULTAN. QazAqparat – Qazaqstandyq Janqosh Turarov (23-0, 16KO) MTK Global beldi menedjerlik kompanııasy ótkizetin Golden Contract («Altyn kelisimshart») týrnırine qatysatyn kásipqoı boksshylardyń tizimine engizildi, dep habarlaıdy QazAqparat promoýterlik kompanııanyń resmı saıtyna silteme jasap.

Týrnırdiń alǵashqy maýsymy jartylaı jeńil, birinshi jartylaı orta jáne jartylaı aýyr salmaqtarda ótedi. Árbi sanatqa segiz boksshydan engen. Jeńimpaz sportshylar jetekshi promoýterlik kompanııalardyń birimen eki jylǵa kelisimshartqa otyrady. «Onyń barysynda bes jekpe-jek ótkizip, onyń árqaısysy úshin alty tsıfrasy bar gonorar alatyn bolady. Sondaı-aq álemdik deńgeıde tanylýǵa kepildik beriledi», - dep jazylǵan saıtta.

Bul rette, Golden Contract qatysýshylary qarsylastaryn aıqastan bir apta buryn ǵana biletin bolady. Nokaýttar úshin aqshalaı bonýstar qarastyrylǵan.

Jartylaı orta salmaqtaǵy Turarovpen birge týrnırge IBO-nyń eks-chempıony frantsýz Mohamed Mımýn (21-3, 2 KO), shved Entonı Iıgıt (24-1-1, 8 KO) jáne brıtandyqtar - IBF nusqasy boıynsha Eýropa chempıony tıtýlynyń ıegeri Akım Ennıs Braýn (13-0, 1 KO), Ohara Devıs (19-2, 14 KO) jáne WBC Inter-Continental-dyń ekinshi dárejeli tıtýlyna ıe Taıron MakKenna (19-1-1, 6 KO) qatysady. Tolyq tizim keıinirek belgili bolady.

AQSh-ta ótetin týrnırdiń jekpe-jekterin ESPN telearnasy kórsetedi.

Eske salaıyq, Janqosh Turarov sáýir aıynda MTK Global-men kelisimshartqa otyrǵan bolatyn. Sońǵy jekpe-jegin bıylǵy shilde aıynyń 6-sy kúni elordadaǵy «Barys-Arena» kesheninde ótkizdi. Boks keshiniń basty aıqasynda Turarov argentınalyq Maksımılıano Godoımen (31-4-1, 16 KO) kezdesti.

10 raýndqa eseptelgen jekpe-jek úshinshi raýndta ýaqytynan buryn aıaqtaldy. Qazaqstandyq boksshy Godoıdy nokdaýnǵa jiberdi. Bul - 28 jastaǵy Jańqoshtyń 24-shi jeńisi boldy. Ol qarsylastaryn 17 ret nokaýtpen jeńgen. Bir de bir ret jyǵylyp kórmegen. Boks keshin brıtandyq MTK Global kompanııasy men amerıkalyq Top Rank uıymdastyrdy.


Avtor Mıra Tólendiqyzy
Basty sózder: Boks, Sport,
Joǵary qaraı