Aýa raıy
Astana 25 °S
Almaty 29 °S
valıýta baǵamy
USD 384.52
EUR 431.32
RUB 6.10
CNY 55.89

Jańaqorǵanda usaq maly qyrylǵan sharýalarǵa ótemaqy tólenýi múmkin

2019 jyldyń 23 aqpan 2019 02:22 1910

JAŃAQORǴAN. QazAqparat - Qyzylorda oblysy Jańaqorǵan aýdanynda ýaq maldary shyǵyn bolǵan sharýalarǵa ótemaqy tólenýi múmkin, dep habarlaıdy QazAqparat tilshisi.

Esterińizge sala ketelik, 19 aqpanda Qyzylorda oblysy, Jańaqorǵan aýdanynda aýa raıynyń qolaısyzdyǵy saldarynan ýaq mal shyǵyn boldy.

Atalmysh oqıǵaǵa baılanysty tıisti sala basshylary túsinikteme berdi.

«Jańaqorǵan aýdanynda 3 sharýa qojalyǵy ıelegindegi ýaq maldar eki kún boıy tolassyz jaýǵan qardyń astynda qalyp qoıǵan. Taý betkeıine 50-60 santımetr qar tústi. Aıta keterligi, jergilikti sharýalar 1,5 myń ýaq maldy ýaqytynan erterek «Qarabulaq» jaılaýynaa kóshirgen. Alaıda olar aýa-raıynyń qolaısyzdyǵyna tap boldy. Sonyń saldarynan ýaq mal shyǵyn boldy», - dedi Qyzylorda oblystyq jumyldyrý daıyndyǵy basqarmasy basshysynyń orynbasary Ǵabıt Jańabaev.

Qar astynda ólgen ýaq maldyń birshama bóligi tabyldy. Qalǵany qar erigesin tolyqtaı túgendeledi. Qazirgi tańda ólgen maldar sýretke túsirilip, syrǵalary tirkeýge alyndy.

«Shopandar jylda jaılaýǵa aqpan aıynda baratyn. Ol kezde mundaı jaǵdaı kezdese qoımaıtyn edi. Bıyl tabıǵat tosyn minez tanytty. Aldymen jańbyr jaýyp, onyń sońy jańbyrǵa ulasty. Qazir qansha maldyń shyǵyn bolǵanyn naqty aıta almaımyz. Jaǵdaıdyń anyq-qanyǵyn aldaǵy ýaqytta aýdan ákimdigi janynan qurylǵan arnaıy jumys toby anyqtaıdy», - dedi Jańaqorǵan aýdandyq aýyl sharýashylyǵy bóliminiń basshysy Turǵan Bazarbaev.

Qar astynda qalǵan mal sany qar erigennen keıin komıssııa quramymen qaıta esepteledi. Aıta ketý kerek, mal shyǵynyń ótemi tótenshe jaǵdaılar jarııalanǵanda ǵana tólenedi. Al ony jumys toby anyqtaıdy.

 

Joǵary qaraı