Aýa raıy
Astana 8 °S
Almaty 18 °S
valıýta baǵamy
USD 389.59
EUR 429.06
RUB 6.05
CNY 55.07

Jańaqorǵanda esirtki alqaby tabyldy

2019 jyldyń 19 qyrkúıek 2019 21:53

JAŃAQORǴAN. QazAqparat - Qyzylorda oblysy Jańaqorǵan aýdanynda tyıym salynǵan 185 túp sora ósimdigin ósirgen 2 turǵyn qolǵa tústi, dep habarlaıdy QazAqparat tilshisi.

Esirtki alqaby Jańaqorǵan aýdanynyń Tómenaryq eldi mekeninen 5 shaqyrym qashyqtyqta qalyń aǵash arasynda bolǵan. Jańaqorǵan aýdandyq polıtsııa bóliminiń qyzmetkerleri «Kóknár» jedel-profılaktıkalyq is-sharasy barysynda atalmysh esirtki alqabyn tapty. Sol jerde Qyzylorda oblysynyń 25-35 jastaǵy 2 turǵyny ustaldy.

«Atalǵan derek boıynsha QR Qylmystyq kodeksiniń 300-babynyń 2-bóligi sotqa deıingi tergep-tekserý amaldary júrgizilýde. Onda quramynda esirtki zattar bar, ósirýge tyıym salynǵan ósimdikterdi adamdar tobymen zańsyz egip-ósirý jaǵdaıy kórsetilgen. Ustalǵan azamattar ýaqytsha ustaý abaqtysyna qamaldy», - dep málim etti Qyzylorda oblystyq polıtsııa departamentinen.

Budan buryn Jańaqorǵan aýdanyna qarasty Túgisken eldi mekeninen 45 shaqyrym jerde esirtki alqaby tabylǵan edi.



Joǵary qaraı