Awa rayı
Astana 4 °S
Almatı 20 °S
valyuta bağamı
USD 378.17
EUR 429.11
RUB 5.88
CNY 56.48

Jañaqorğanda 300-dey waq mal qırılıp qaldı - Qızılorda oblısı

2019 jıldıñ 22 aqpan 2019 00:53 977

JAÑAQORĞAN. QazAqparat - Qızılorda oblısı Jañaqorğan awdanında awa rayınıñ qolaysızdığınan 300-den astam waq mal qırılıp qaldı, dep xabarlaydı QazAqparat tіlşіsі.

Jañaqorğan awdanı äkіmdіgіnіñ xabarlawınşa, osığan oray awdan äkіmdіgіnen arnayı komïssïya qurıldı. Joldıñ qolaysızdığınan alğaşında komïssïya müşelerіnіñ oqïğa ornına jetwіne mümkіndіk bolmadı. Osığan qaray «Oñtüstіk öñіrlіk aeromobïldі jedel qutqarw jasağınan» arnayı texnïkalar kömekke suratıp alındı. Arnayı texnïkalar kelgennen keyіn awdan äkіmіnіñ ökіmіmen qurılğan jumısşı top, şarwa qojalığı müşelerі, «Oñtüstіk öñіrlіk aeromobïldі jedel qutqarw jasağı» mamandarı oqïğa bolğan jerge jettі.

«Jergіlіktі malşılar qıstawdan jaylawğa merzіmіnen erte köşіp barğan. Bul waqıt aqpan ayınıñ alğaşqı künderі edі. Ol waqıtta awa rayı jılı bolatın. Keyіnnen awa rayı kürt özgergen», - dep jazılğan Jañaqorğan awdanınıñ äkіmdіgі taratqan xabarlamada.



Onda sonday-aq malşılar qonıs etken aymaqta qar qalıñ jawğandığı aytılğan. Sonıñ saldarınan mal şığını boldı. Atap aytqanda, «Baqıtjan» şarwa qojalığınıñ ïesі Baqıtjan Nälіbaev qar astında qalğan 250 waq malınıñ nebärі 70-іn ğana taba aldı. Al jeke käsіpker Qalmaş Sädwova qar astında qalğan 57 waq maldıñ 7-іn ğana taptı. Tabılğan waq maldardıñ sırğası qulağımen bіrge kesіp alındı. Olar fotoswretke tüsіrіlіp jïnaqtaldı. Qalğanın waq maldı qar erіmey tabw mümkіn bolmadı.



Maldardıñ bası qar erіgennen keyіn komïssïya quramımen qayta sanalıp esepteledі. Bügіngі künі bul bağıtta ekі top jumıs jasawda. Oqïğa ornına 2 tіrkeme joñışqa press şöbі jetkіzіldі.

Budan burın Qızılorda oblısında köktayğaqtıñ saldarınan jolda qalğan 267 adam qutqarılğan edі.

 

 

Joğarı qaray