Aýa raıy
Astana -2 °S
Almaty 21 °S
valıýta baǵamy
USD 389.98
EUR 434.01
RUB 6.10
CNY 55.04

Jambylda segiz aıda 2 tonnadan astam esirtki tárkilengen

2019 jyldyń 21 qyrkúıek 2019 05:00

TARAZ. QazAqparat – Jambyl oblysynda aǵymdaǵy jyldyń segiz aıynda Jambyl oblysynda qylmys sany 12 paıyzǵa azaıdy.

Bul týraly oblystyq polıtsııa departamentiniń basshysy Arman Orazalıev halyqpen kezdesýinde aıtty, dep habarlaıdy QazAqparat.

Polıtsııa departamentiniń bastyǵy bıyl ekinshi ret halyqqa esep berý kezdesýin ótkizdi. Taraz qalalyq Mádenıet úıinde turǵyndarmen ashyq dıalog barysynda Arman Orazalıev oblystyq ishki ister organdarynyń aǵymdaǵy jyldyń segiz aıyndaǵy qyzmetiniń qorytyndysy týraly jáne aldaǵy josparyna qysqasha toqtaldy. Ol óz sózinde quqyq qorǵaý organdary ashyqtyq pen jarııalylyq qaǵıdattaryn engizý, azamattardyń ótinishterine jedel den qoıý, halyqpen tyǵyz baılanys ornatý boıynsha maqsatqa baǵyttalǵan jumystar atqarylyp jatqanyn atap ótti.

«Osy jyldyń qańtar-tamyz aılarynda jalpy qylmystar sany 12 paıyzǵa tómendedi. Onyń ishinde kisi óltirý, tonaý, qaraqshylyq shabýyl, alaıaqtyq, buzaqylyq, urlyq, sonyń ishinde mal urlyǵy jáne uıaly telefon men páter urlyǵy azaıdy. Oblys ortalyǵynda jaıaý patrýlder sany artyp, beınebaqylaý júıesi keńeıtilýde, qylmys kóp jasalatyn aýdandarda turaqty jumystar júrgizilýde. Aldyn alý sharalarynyń nátıjesinde qoǵamdyq oryndarda jáne kóshelerde jasalatyn qylmystar sany aıtarlyqtaı qysqardy»,-dedi A.Orazalıev.

Óńirdiń bas polıtseıi zańnamaǵa engizilgen ózgeristerdiń nátıjesinde endi urylardy birneshe ret jasalǵan quqyq buzýshylyqtar qaǵıdaty boıynsha qylmystyq jaýapqa tartýǵa bolatynyn aıtyp, Tarazdyń ortalyq zıratyndaǵy vandalızm máselesin tilge tıek etti.

«Barlyq ótinishter boıynsha qylmystyq ister qozǵalyp, «birneshe ret» jasalyný belgisin qoldana otyryp, ustalǵan tulǵalardy jaýapqa tartý boıynsha sharalar qoldanamyz. Aldaǵy ýaqytta osyndaı derekterdi boldyrmaý úshin zırat aýmaǵyn patrýldeý baǵyty, sondaı-aq metall qabyldaý beketterin tekserý jumystary qarastyrylǵan», - dedi departament basshysy.

Sondaı-aq, óńirde esirtki qylmysyna qarsy kúres te nátıjesiz emes. Aıtalyq, esepti kezeńde zańsyz aınalymnan eki tonnadan astam túrli esirtki, alty keliden astam geroın jáne 115 keliden astam gashısh esirtkisi tárkilengen. Sondaı-aq, sıntetıkalyq esirtkiniń taralýyna baılanysty jarnama jasaǵan 19 saıt anyqtaldy.

Departamenttiń qolǵa alýymen óńirdegi «Joldaǵy qabyldaý», «Aýladaǵy qabyldaý» aktsııalary sheńberinde azamattarmen, mekemeler men kásiporyndardyń ujymdarymen kezdesýler, front-keńselerdegi jeke qabyldaýlar jalǵaspaq.

«Kez kelgen, tipti qoǵamdyq tártip pen tazalyqtyń eń usaq buzýshylyq derekterine qatysty jaza qarastyrylýy kerek, sebebi tek osylaı, nóldik tózimdilik ádisimen biz óz ómirimizdi jaqsarta alamyz»,-dedi A.Orazalıev.


Joǵary qaraı