Aýa raıy
Astana -2 °S
Almaty 17 °S
valıýta baǵamy
USD 389.98
EUR 434.01
RUB 6.10
CNY 55.04

Jambylda Naýryz merekesinde «Jastar» alleıasy ashyldy

2019 jyldyń 22 naýryz 2019 13:30

TARAZ. QazAqparat - Tarazda Áz-Naýryz merekesi aıryqsha atalyp ótýde. Bul kúni Jastar jylyna oraı «Jastar» alleıasy paıdalanýǵa berildi, dep habarlaıdy QazAqparat tilshisi.

Oblys ákiminiń tapsyrmasymen Súleımenov kóshesiniń boıyndaǵy «Atshabar» skverindegi abattandyrý jumystary aıaqtalyp, «Jastar alleıasy» bolyp qaıta ashyldy.

Alleıanyń uzyndyǵy - 840 metr, jalpy aýmaǵy - 6 gektar kóleminde. Sonymen qatar, alleıaǵa úlken LED-ekran qoıylǵan. Ol ekran arqyly ashyq aspan astyndaǵy sahnada ártúrli is-sharalar ótkizilmek.

Atalǵan saıabaqta «Uly dala ulandary» stellasy, «Bilim» alańy, «Jastar» qabilet ortalyǵy, «Kitap» eskertkishi jáne «Sahna» alańshasy ashyldy. Bul jobalar oblystyq qala qurylys keńesinde muqııat qarastyrylyp, nysan qurylysyna jergilikti merdigerler óz úlesterin qosty.



null

Ondaǵy «Jastar» qabilet ortalyǵynda jastar úshin ǵalamtor jelisine úzdiksiz qosylýǵa barlyq múmkindik qarastyrylǵan. Munda jaqyn mańdaǵy birqatar orta arnaýly jáne joǵary oqý oryndary stýdentteriniń ǵalamtor arqyly ózderine qajetti aqparattar izdestirip taýyp, oqý úrdisine paıdalana alady. Biregeı jobanyń quny 47 mıllıon teńgeni quraıdy. Onyń jalpy aýmaǵy 288 sharshy metr.

«Ortalyqta 16 adamǵa arnalǵan «kovorkıng» zaly men 40 adamǵa arnalǵan ashana jumys isteıdi. Kovorkıng zalynda 8 noýtbýk qoıylǵan. «Wi-fi» jelisimen qamtamasyz etilgen. Stýdentter kitap sórelerinen qajetti kitaptaryn alyp, kýrstyq jumystaryn, referattaryn jaza alady. Jastar jylyna oraı jastardy qoldaý maqsatynda boı kótergen ortalyq olardyń bos ýaqyttaryn tıimdi paıdalanýǵa úlken áserin tıgizedi dep kútilýde»,- deıdi ІT mamany Nursultan Turysbek.

Al «Bilim» alańynda aldaǵy ýaqytta ár jyly bilim kúni saltanat quryp, aqyn jazýshylardyń oqýlaryn ótkizý, túrli ıntelektýaldy pikirsaıystar uıymdastyrý úrdiske aınalmaq. Sondaı-aq, jańadan ashylǵan «Kitap», «Uly dala ulandary», «Mahabbat» stellalary da alleıanyń ajaryn kirgizip, mańyzyn arttyryp tur.



null

Aıta keteıik, alleıa aýmaǵyndaǵy tal-daraqtar kúzelip, egilip, retke keltirilip, tutastaı zamanaýı jaryqtandyrylýmen qamtylǵan. «Wi-fi» jelisimen qamtamasyz etilgen zamanaýı oryndyqtar qoıyldy. «Jastar» alleıasynyń bir bóligin alyp jatqan «Mahhabbat» buryshy da jańasha keıipke endi. Onda ózara aıqasyp jatqan qos neke saqınasy ispetti tórt zamanaýı sýburqaqtar ornatylyp, ortasyna aqqý qusy beınelengen kompozıtsııa qoıylǵan.




null

Joǵary qaraı