Aýa raıy
Astana 13 °S
Almaty 19 °S
valıýta baǵamy
USD 386.70
EUR 427.15
RUB 6.06
CNY 54.57

Jambylda «Mektepke jol» aktsııasy meshitte jalǵasty

2019 jyldyń 23 tamyz 2019 07:20

TARAZ. QazAqparat – Jambyl oblystyq «Hıbatýlla Tarazı» meshitinde «Mektepke jol» aktsııasy aıasynda 500 balaǵa 500 mektep sómkesi berildi, dep habarlaıdy QazAqparat.

500 balany mektepke daıyndap, qýanyshyna ortaqtasqan ıgi sharaǵa QMDB Halyqaralyq qatynas jáne hattama bóliminiń basshysy Ershat Ońǵarov, QMDB-nyń Jambyl oblysyndaǵy ókili, osy meshittiń bas ımamdary Qanat Jumaǵul, meshit qyzmetkerleri men ata-analar qatysty.




Qazaqstan musylmandary dinı basqarmasynyń bastamasymen bastalǵan naýqan barlyq oblystarda, aýdandarda jalǵasyn taýyp keledi.

«Bul shara jyl saıyn respýblıka kóleminde ótip keledi. Bıylǵy jyldyń ózinde el aýmaǵynda 18 myń tegin sómke taratý josparlanǵan. Al, bul qaıyrymdylyq sharasyna Qazaqstan musylmandary dinı basqarmasy uıytqy bolyp otyr. Basty maqsat meshit ishinde tegin sómke bere otyryp, ata-ana men bala boıyndaǵy ımandylyqty oıatý»,-dedi óz sózinde QMDB Halyqaralyq qatynas jáne hattama bóliminiń basshysy Ershat Ońǵarov.

Din mamandary balalarǵa arnalǵan qural-jabdyqtar salynǵan sómkelerdi úlestirip, qýanyshtan júzderi bal-bul janǵan oqýshylarǵa oqýda ozat bolyp, tek úzdik baǵa alýlaryn tiledi.

Al ókil ımamy Qanat Jumaǵul qaıyrymdylyqqat qol ushyn sozǵan jomart jandardy tilge tıek etip, qarjy kózin jınaýǵa negiz bolǵan jaqsylyq jasaýǵa asyqqan halyqtyń ózi ekenin aıtyp, alǵys bildirdi.

«Jolyń bolsyn balaqaı» ataýymen ótken aktsııa barysynda syılyqqa ıe bolǵandardyń biri – kópbalaly ana Aıgúl Altynbekqyzy. Ol bilim oshaǵyna baratyn alty búldirshinin tárbıelep otyr. Kópbalaly ana balalarynyń barlyǵyna birdeı mektep jabdyǵyn alýǵa aýyrtpalyq salǵanyn jasyrmady. Alaıda, «Mektepke jol» aktsııasyn estip, tizimge jazylǵan ol búginde bes birdeı balasyna tegin sómke alǵanyna shúkirshilik bildirip, qýanyshymen bólisti.

Shara sońynan balalar meshit aýlasynda arnaıy qurylǵan alyp batýtta oıyn oınap, kóńil kóterdi.







Avtor Ǵıbrat Sembaı
Basty sózder: Bilim, Jambyl oblysy,
Joǵary qaraı