Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Jambylda mektep muǵalimderi jumysqa arnaıy saıt arqyly qabyldanýda

2019 jyldyń 16 sáýir 2019 09:48

TARAZ. QazAqparat - Jambyl oblysynda mektep muǵalimderi jumysqa avtomattandyrylǵan júıe arqyly qabyldanýda. Óńirde bul baǵytta «jumis sitcen.kz» bazasy engizildi, dep habarlaıdy QazAqparat.

Tyń joba orta bilim berý uıymdaryna pedagog kadrlar men qyzmetkerlerdi jumysqa qabyldaý kezinde ashyqtyq pen jarııalylyqty qamtamasyz etedi. Sonymen qatar munda bos jumys oryndary da jarııalanady. Joba «Tsıfrlyq Qazaqstan» baǵdarlamasy aıasynda qolǵa alynyp otyr. Aqparattyq júıe elektrondyq eńbek bırjasymen ıntegratsııalanǵan. Ortaq júıe iske qosylǵaly beri aımaqta 831 bos jumys orny jarııalanyp, 202 maman turaqty jumysqa ornalasqan. Aıta ketý kerek, qazir jalpy oblys mektepterine 360 pedagog qajet.

«Qujatyn saıtqa ornalastyrý, júkteý arqyly birinshi baǵalaýdan ótedi. Ekinshi testileýge jiberiledi. Testileýdiń nátıjesin alǵannan keıin ǵana áńgimelesýge keledi. Oǵan deıin jumys izdeýshiniń basshyǵa kim ekeni belgisiz bolady. Saıt kúndelikti ashylyp, qaralyp otyrady. Engizilgen ár bos oryn men jumys izdeýshiniń qujaty 5 jumys kúni bazada saqtalady»-deıdi oblystyq bilim basqarmasynyń bólim basshysy Aqbota Mahasheva.

Avtor Ǵıbrat Sembaı
Basty sózder: Bilim, Jambyl oblysy, Internet,
Joǵary qaraı