Aýa raıy
Astana 8 °S
Almaty 0 °S
valıýta baǵamy
USD 389.62
EUR 429.98
RUB 6.06
CNY 55.08

Jambylda 63 myńǵa jýyq oqýshylar men stýdentter týrıstik ekskýrsııaǵa shyqqan

2019 jyldyń 13 sáýir 2019 00:40

TARAZ. QazAqparat - Jambyl oblysynda «Rýhanı jańǵyrý» baǵdarlamasynyń barlyq baǵyty aıasynda aýqymdy jumystar qolǵa alynǵan. Sonyń biri - bilim berý júıesin jańasha jetildirý baǵytynda. Osyǵan oraı oblysta ilkimdi is-sharalar atqarylyp keledi. Bul týraly oblys ákimdigi bilim basqarmasy basshysynyń orynbasary Talǵat Jamalov aıtyp berdi, dep habarlaıdy QazAqparat tilshisi.

«Oblys ákimdiginiń 2018 jylǵy 30 naýryzdaǵy hattamalyq tapsyrmasyna sáıkes balalar men jasóspirimder arasynda «Óz jerindi tanyp, bil» atty joba júzege asyrylyp, mektep oqýshylary úshin ózderiniń aýylyna, kórshi aýdandarǵa jáne Taraz qalasyna týrıstik ekskýrsııalar uıymdastyrylyp, onlaın sabaqtar, ınteraktıvti jarystar ótýde. Ótken jyly týrıstik ekskýrsııalarmen 63 myńǵa jýyq mektep oqýshylary men kolledj stýdentteri qamtyldy. Olardyń ishinde 11 300-den asa bala aýdannan aýdanǵa týrıstik saıahat jasap, aýdan ishindegi kıeli nysandaryn-36800 bala aralaǵan. Al respýblıkanyń ózge óńirlerine - 14500 bala saıahattap qaıtty. Aǵymdaǵy jyldyń basynan 2500-ge jýyq bala óńirdiń kıeli jerlerinde týrıstik saıahatta boldy»,-dedi Talǵat Jamalov.

Basqarma basshysy orynbasarynyń aıtýynsha oblystyń mektepteri men kolledjderinde «Rýhanı jańǵyrý» baǵdarlamasy aıasynda birneshe biregeı jobalar iske asyrylýda. Atap aıtsaq, «BestvideoTýǵanÓlke»,«Vırtýaldy mektep murajaıy», «BILIM anımatsııa», «Oqy, tap!» oblystyq onlaın baıqaýy, «BILIM FM mektep radıosy. Atalǵan jobalar týǵan ólkeniń tarıhı, mádenı qundylyqtaryn aqparattyq-kommýnıkatsııalyq tehnologııalar arqyly oqý-tárbıe úrdisine engizýge baǵyttalǵan.

«Baǵdarlamalar aıasynda barlyq oqý oryndarynda, balabaqshalarda ulttyq qundylyqtar men urpaq tárbıesine aıryqsha basymdyq berilýde. Jasóspirimderdiń rýhanı jańǵyrýyna baǵyttalǵan jumystar bıyl da óz jalǵasyn tabatyn bolady»,-deıdi ol.

Sondaı-aq, baǵdarlama aıasynda ótken «Aýylym - altyn besigim» atty balalar áleýmettik jobalarynyń respýblıkalyq baıqaýynan І-oryn alǵan Merki aýdanyndaǵy №39 mektep-gınazııasynyń 8-synyp oqýshysy Juldyzaı Temirbolat Reseı Federatsııasynyń Vladıvostok qalasyndaǵy «Okean» balalar ortalyǵynda demalý joldamasyn ıelengen.

Sonymen qatar, «Qazaq epos» qoǵamdyq qorynyń uıymdastyrýymen 6-10 oqýshylar arasynda respýblıkada batyrlar jyryn jatqa aıtýdan «Tulpar minip, tý alǵan!» baıqaýynyń oblystyq irikteýine oblys boıynsha 388 mektepten 3827 oqýshy jáne 1909 muǵalim qatyspaq.

Joǵary qaraı