Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Jambylda 135 shetel azamaty el aýmaǵynan alastatyldy

2019 jyldyń 12 sáýir 2019 19:43

TARAZ. QazAqparat - Jambyl oblysy aýmaǵynda zańsyz kóshi-qon is-áreketterine qarsy turý maqsatynda 9-12 sáýir aralyǵynda ákimshilik, krımınaldyq polıtsııa, tergeý jáne anyqtaý bólimsheleriniń qatysýymen «Zańsyz kelýshi - 2019» jedel aldyn alý is-sharasynyń 1-kezeńi ótti, dep habarlaıdy QazAqparat tilshisi.

Bul týraly búgin ÓKQ alańynda Jambyl oblysynyń Polıtsııa departamenti Kóshi-qon qyzmeti basqarmasy bastyǵynyń mindetin atqarýshy, polıtsııa podpolkovnıgi Arman Turdalıev, Kóshi-qon qyzmeti basqarmasynyń aǵa ınspektory, polıtsııa kapıtany Araı Aıymbektiń qatysýymen ótken brıfıngte aıtyldy.

Spıkerlerdiń aıtýynsha, atalǵan sharaǵa baılanysty alǵa qoıylǵan maqsattardy oryndaý úshin 23 utqyr top qurylǵan. Nátıjesinde, Qazaqstan Respýblıkasynyń kóshi-qon zańnamasyn buzǵan 200 derek anyqtaldy. Ákimshilik sottyń sheshimimen 135 shetel azamaty el aýmaǵynan alastatyldy, onyń ishinde 4-eýi - QHR azamattary.

« Memlekettik shekarany zańsyz kesip ótpek bolǵan 4 shetel azamaty jaýapkershilikke tartylyp jatyr. Sottyń alastatý týraly sheshimin oryndamaǵany úshin bir qyrǵyz azamaty qylmystyq jaýapkershilikke tartyldy. Shetel azamattary men azamattyǵy joq adamdardy qabyldaǵan 19 azamat Qazaqstan Respýblıkasynyń kóshi-qon zańnamasyn buzǵany úshin jaýap berýde. Zańnamany buza otyryp sheteldik jumys kúshin jáne eńbek mıgranttaryn tartqany úshin 28 Qazaqstan azamaty jaýapkershilikke tartyldy. 71 shetel azamatyna Qazaqstan aýmaǵynda júrip-turý merzimi qysqartyldy. Qazirgi kezde Jambyl oblysy aýmaǵynda zańsyz eńbek etetin, sondaı-aq zańsyz kóshi-qon arnalaryn uıymdastyratyn tulǵalardy aıqyndaý jumystary jalǵasýda», - dedi Arman Turdalıev.



null

Avtor Ǵıbrat Sembaı
Basty sózder: Jambyl oblysy, Zań,
Joǵary qaraı